🛑 प्रधानमंत्री आवास योजना-ग्रामीण योजने मार्फत दिला जाणारा तालुकास्तरीय सर्वोत्कृष्ट ग्रामपंचायत प्रथम क्रमांकाचा पुरस्कार इन्सुली ग्रामपंचायतीला प्राप्त..

*🎥 कोकण लाईव्ह ब्रेकिंग न्यूज*
_अचुक बातमी थेट हल्ला_

*✍️ प्रतिनिधी : अंकुश नाईक*

*🎴बांदा, दि-३१:-* ग्राम विकास विभाग राज्य उत्पादन कक्ष ग्रामीण गृहनिर्माण महा आवास अभियान पुरस्कार २०२०-२०२१, प्रधानमंत्री आवास योजना-ग्रामीण तालुकास्तरीय सर्वोत्कृष्ट ग्रामपंचायत प्रथम क्रमांकाचा पुरस्कार इन्सुली ग्रामपंचायतीला प्राप्त झाला.या स्पर्धेचा बक्षीस वितरण सोहळा सावंतवाडी तहसीलदार कार्यालयात आमदार दिपक केसरकर व वरीष्ठ अधिकारी यांच्या उपस्थितीत संपन्न झाला यावेळी सरपंच गंगाराम उर्फ तात्या वेंगुर्लेकर यांच्याकडे प्रशस्तीपत्र व सन्मानचिन्ह देऊन त्यांना गौरविण्यात आले.मागील कार्यकारिणीतील माजी सरपंच सौ.पुजा पेडणेकर,उपसरपंच सदाशिव राणे तसेच ग्रामपंचायत सदस्य आणि कर्मचारी यांनी केलेल्या उल्लेखनीय कार्याची पोचपावती मिळाली,याअगोदर सुद्धा इन्सुली ग्रामपंचायतीला स्मार्ट ‌ग्राम पुरस्कार पण मिळाला आहे.प्रथम क्रमांकाचा महा आवास अभियान पुरस्कार पटकाविल्यामुळे इन्सुली ग्रामपंचायतीचे सर्वच थरातून अभिनंदन केले जात आहे.