🛑 महसुली कामांबाबत दैनंदिन होणारी गौरसोय थांबवा..

_*🛑 नानेली ग्रामस्थांनी निवेदनाद्वारे मांडली कुडाळ तहसीलदारांकडे व्यथा..*_

_*🛑 नवनिर्वाचित मनसे पदाधिकऱ्यांनी घेतला पुढाकार..*_

*🎥 कोकण लाईव्ह ब्रेकिंग न्यूज*

_अचुक बातमी थेट हल्ला_

*✍️ प्रतिनिधी : सुनील आचरेकर*

*🎴कुडाळ, दि-२६ :-* सातबारा,८ अ, फेरफार अशा रोजच्या दैनंदिन महसुली कामांबाबत नानेली ग्रामस्थांची होणारी फेरफाट व गैरसोय आज ग्रामस्थांनी मनसेच्या माध्यमातून कुडाळ तहसीलदारांसमोर भेट मांडली. नानेली महसुली गावाचा घावनळे सजामध्ये अंतर्भाव असून सद्यस्थितीत नवीन सजा आकारणी नुसार माणगावशी जोडला गेलेला आहे. मात्र नवीन सजा तलाठी उपलब्ध नसल्याने ते फक्त कागदावरच असून नानेली गावचा अतिरिक्त चार्ज हा वाडोस तलाठ्यांकडे देण्यात आलेला आहे. मात्र महसुली दफ्तर हे घावनळे तलाठ्याकडे असल्याने ग्रामस्थांना महसूल विषयक कामांसाठी नानेली- घावनळे- वाडोस असे हेलपाटे मारावे लागत आहेत. शिवाय पावसाळी कालावधीत नदी पार करून घावनळे ठिकाणी जाणे ग्रामस्थांना अशक्य असल्याने महसूल कामे प्रलंबित राहतात. मनसेने यासंदर्भात आज कुडाळ तालुकाध्यक्ष प्रसाद गावडे यांच्या नेतृत्वाखाली कुडाळ तहसीलदार अमोल पाठक यांची भेट घेत नानेली वासियांची गैरसोय दूर करावी अशी विनंती केली. तसेच जोपर्यंत नवीन सजा कामकाज चालू होत नाही तो पर्यंत माणगाव ठिकाणी दप्तर उपलब्ध करून देत लोकांना सुविधा द्यावी अशी विनंती केली. पुढील पंधरा दिवसात यासंदर्भात तलाठ्यांची बैठक घेऊन योग्य तो तोडगा काढण्याची आश्वासन कुडाळ तहसीलदारांनी ग्रामस्थांना दिले आहे. यावेळी मनसे उपतालुका अध्यक्ष सचिन सावंत,नानेली म.न.वि.से.शाखाध्यक्ष बंटी नेवगी, ग्रामस्थ महादेव धुरी,यतिन धुरी आदी उपस्थित होते.