🛑 बुर्डी पुल येथे गतिरोधक आणि दिशादर्शक बोर्ड लाऊन रस्त्यावर पांढरे पट्टे मारण्याचे वारंवार निवेदन देवूनही सार्वजनिक बांधकाम विभागातील टाळाटाळ..

_*🛑 ७ नोव्हेंबर पर्यंत योग्य लेखी उत्तर न दिल्यास ८ नोव्हेंबर रोजी कार्यालयासमोर शेकडो ग्रामस्थांसह आंदोलन छेडण्याचा मंगेश तळवणेकर यांचा इशारा..*_

*🎥 कोकण लाईव्ह ब्रेकिंग न्यूज*

_अचुक बातमी थेट हल्ला_

*✍️ प्रतिनिधी : प्रथमेश गावडे*

*🎴सावंतवाडी ता.२१-:* सावंतवाडी बुर्डी पुल येथील गवळणीचा व्हाळ येथे मोठे वळण आहे. त्या भागात दोन्ही बाजूला दोन गतिरोधक आणि दिशादर्शक बोर्ड लाऊन रस्त्यावर पांढरे पट्टे मारावेत तसेच कारीवडे पेडवेवाडी येथे मुख्य बाजारपेठ बाजूलाच शाळा व मोठी वर्दळ असल्याने त्या भागात देखील गतिरोधक घालून देण्यात यावा. यासाठी वारंवार निवेदने देऊन देखील सबंधित कार्यालयाने कोणत्याही प्रकारची दखल घेतली नाही. असा आरोप सामाजिक कार्यकर्ते मंगेश तळवणेकर यांनी केला आहे.

याबाबत ७ नोव्हेंबर पर्यंत योग्य लेखी उत्तर न दिल्यास ८ नोव्हेंबर रोजी कार्यालयासमोर शेकडो ग्रामस्थांसह आंदोलन छेडण्याचा इशारा निवेदनाद्वारे सार्वजनिक बांधकाम विभागास मंगेश तळवणेकर यांनी दिला आहे.