🛑 वैभववाडी पोलीस अधिकारी व पोलीस कर्मचाऱ्यांच्या धडाकेबाज कामगिरीचे जिल्हा पोलीस अधीक्षक राजेंद्र दाभाडे यांनी केले कौतुक..

*🎥 कोकण लाईव्ह ब्रेकिंग न्यूज*

_अचुक बातमी थेट हल्ला_

*✍️ प्रतिनिधी : संजय शेळके*

*🎴वैभववाडी, दि-२१ :-* २३ लाख रुपयांच्या लुटीचा बनाव रचणाऱ्या आरोपींच्या वैभववाडी पोलीसांनी अवघ्या २४ तासांत मुसक्या आवळल्या. वैभववाडी पोलीस अधिकारी व पोलीस कर्मचाऱ्यांच्या या धडाकेबाज कामगिरीचे कौतुक जिल्हा पोलीस अधीक्षक राजेंद्र दाभाडे यांनी केले. येथील पोलीस ठाण्याला भेट देत श्री. दाभाडे यांनी पोलीसांच्या पाठीवर कौतुकाची थाप दिली आहे.

सेक्युअर व्हल्यु इंडिया कंपनी लि. या कंपनीचे कर्मचारी विठ्ठल खरात व सगुण केरवडेकर यांनी वैभववाडी येथील बँक ऑफ इंडिया च्या एटीएम मध्ये भरण्यासाठी नेत असलेले २३ लाख रुपये तीन अज्ञात चोरट्यांनी लुटले असे सांगत लुटीचा बनाव रचला होता. परंतु वैभववाडी पोलीसांनी त्यांचा हा डाव हाणून पाडला. दोन प्रमुख आरोपीसह इतर दोन साथीदारांनाही पोलीसांनी २४ तासांच्या आत अटक केली.