🛑 मालवणात नगरपरिषदेचे नियम धुडकावत अनधिकृत फेरीवाले पुन्हा सक्रिय..

_*🛑 प्रशासनाचा वचक नाही की हप्ते पोचतायत ; मनसेचा सवाल*_

*🎥 कोकण लाईव्ह ब्रेकिंग न्यूज*

_अचूक बातमी थेट हल्ला_

*✍️ ब्युरो न्यूज : कोकण लाईव्ह ब्रेकिंग*

*🎴मालवण, दि-१३:-* आठवडया भरापूर्वी मनसे कडून मालवण नगरपरिषदेला मालवण बाजारपेठेमध्ये मुख्य रस्त्यांवर वाहतुकीस अडथळा होत असल्या कारणाने सर्व अनधिकृत परप्रांतीय फेरीवल्यांना हटवण्यात यावे यासाठी निवेदन देण्यात आले होते. त्यानंतर मुख्याधिकाऱ्यांच्या निर्देशनानंतर चार दिवस आधी मालवण शहरात स्पीकरद्वारे सर्व फेरीवाल्यांना सूचना देण्यात आली होती त्यानंतर दुसऱ्या दिवशी एकही फेरीवाला नसल्याने नागरिकांकडून समाधान व्यक्त केले गेले होते परंतु आज महाराष्ट्र नवनिर्माण विद्यार्थी सेने चे सर्जेकोट चे विभाग अध्यक्ष जनार्दन आजगांवकर आणि तारकर्ली चे विभाग अध्यक्ष प्रतिक कुबल बाजारपेठे तुन जात असताना दोन परप्रांतीय अनधिकृत फेरीवाले प्रशासनाचा आदेश न जुमानता रस्त्यावर गाडी टाकून होते त्यांना जाब विचारला असता त्यातील एक फेरीवाला तिकडून निघून गेला व दुसरा फेरीवाला तेथेच राहिला व हुज्जत घालू लागला त्यानंतर त्याच्या मालकाने मध्यस्थी करून त्याला तिकडून गाडी हालविण्यास सांगितली चौकशी केल्यानंतर समजले की तो दुसऱ्या शहरातून आला आहे पण त्याची इकडे नोंद नाही किंवा कोणताही अधिकृत परवाना नाही अश्या ह्या फेरीवाल्यांना नक्की प्रशासनाचे भय उरले नाही की ते हप्ते पुरवतात असा संतप्त सवाल आता मनसे कडून प्रशासनाला विचारण्यात येत आहे, अश्या मुजोर अनधिकृत फेरीवाल्यांवर योग्य ती कारवाई करावी अन्यथा मनसे आक्रमक रित्या सर्व व्यापारी वर्गाला सोबत घेऊन या अनधिकृत परप्रांतीय फेरीवाल्यांना हाकलून लावेल असा मनसे कडून इशारा प्रशासनाला देण्यात येत आहे. आज भर बाजारपेठेत मनसे कडून दाखवलेल्या जागृकतेबद्दल आजूबाजूच्या व्यापारी वर्गाकडून देखील कौतुक करण्यात आले तसेच आम्ही देखील या विषयात तुमच्या सोबत आहोत असे आश्वासन देण्यात आले. रस्ता वाहतुकीस मोकळा झाल्याने नागरिकांनी देखील समाधान व्यक्त केले.