🛑 बिबट्या संचाऱ्याच्या पार्श्वभूमीवर वनविभागाच्या अधिकाऱ्यांनी दिली म्हापण आंबेडकरनगर येथे भेट..

_*🛑बिबट्या आढळ्यास कशाप्रकारे दक्षता घ्यावी त्याचे मार्गदर्शन ग्रामस्थांना करत लावला बिबट्याबद्दल माहिती देणारा फलक..*_

*🎥 कोकण लाईव्ह ब्रेकिंग न्यूज*

_अचूक बातमी थेट हल्ला_

*✍️ प्रतिनिधी : समीर चव्हाण*

*🎴वेंगुर्ले, दि-११ :-* गेले तीन चार दिवस म्हापण आंबेडकरनगर व गोडेवाडी येथे बिबट्या वाघ मानवीवस्ती नजीक मुक्त संचार करताना आढळत आहे. त्यामुळे ग्रामस्थांमध्ये भीतीचे सावट पसरले आहे. वनविभागाने या घटनेची दखल घेऊन योग्य ती कारवाई करवी अशी मागणी ग्रामस्थांमधून केली जात होती. याच पार्श्वभूमीवर म्हापण ग्रामपंचायतने लोकभावनेचा आदर राखत वनविभागाला पाचारण केले.

आज सायंकाळी चार वाजताच्या दरम्यान वनविभागाच्या अधिकाऱ्यांनी आंबेडकरनगर येथे भेट दिली. बिबट्या आढळ्यास कशाप्रकारे काळजी घ्यावी, काय करावे याचे मार्गदर्शन त्यांनी उपस्थित ग्रामस्थांना केले. त्याच बरोबर बिबट्या वाघाबद्दल जनजागृती करणारा व बिबट्या आढळ्यास कशाप्रकारे काळजी घ्यावी याची माहिती देणारा एक फलक सुध्दा बिबट्याचा वावर असलेल्या ठिकाणी वनविभागाच्या मार्फत लावण्यात आला.

यावेळी वनाधिकारी श्री सूर्यकांत सावंत व श्री ए. आर. चव्हाण, उपसरपंच श्री अशोक पाटकर, ग्रा. स. सौ सुजाता म्हापणकर, ग्रामस्थ सर्व श्री मनोहर म्हापणकर, सतीश सरमळकर, संतोष नेरूरकर, कृष्णा सोणावडेकर, प्रकाश म्हापणकर, प्रशांत वेंगुर्लेकर व इतर युवा वर्ग उपस्थित होते.