🛑 एसएमएस हॉस्पिटल चिपळूण येथे महात्मा ज्योतिराव फुले जन आरोग्य योजने अंतर्गत मोफत प्रसूतीची सोय..

October 11, 2021 Pratik Rane

*🎥 कोकण लाईव्ह ब्रेकिंग न्यूज*
_अचूक बातमी थेट हल्ला_

*✍️ प्रतिनिधी : ओंकार रेळेकर*

*🎴चिपळूण, दि-११ :-* मागील दीड वर्षांपासून एसएमएस हॉस्पिटल चिपळूण येथे महात्मा ज्योतिराव फुले जन आरोग्य योजना अंतर्गत उपचार सुरू आहेत. या अंतर्गत मुतखडा ,कॅन्सर वरील शस्त्रक्रिया
हाडावरील शस्त्रक्रिया व मणक्यावरील शस्त्रक्रिया, ज्यांना व्हेंटिलेटर ची गरज आहे असे आयसीयु मधील गंभीर रुग्ण यांना या जनारोग्य योजने अंतर्गत उपचार केले गेले. या मध्ये आता प्रसूती व सिझरची हि सुविधा उपलब्ध केली गेली आहे . या योजनेचा जास्तीत जास्त गर्भवती महिलांना माहिती मिळून लाभ मिळावा या साठी एसएमएस हॉस्पिटल येथे गुरुवार दि. १४ रोजी स.१० ते दुपारी २ या वेळेत गर्भवती महिलांची मोफत तपासणी शिबीर ठेवण्यात आले आहे . सदर शिबीर हे एसएमएस हॉस्पिटलच्या देवरुख,खेड,चिपळूण
शाखांवर आयोजित केले आहे. खेड येथे महिला स्त्री रोग तज्ञ डॉ. भाग्यश्री नाफडे गर्भवती महिलांची तपासणी करणार आहेत . चिपळूण येथे स्त्री रोग तज्ञ डॉ .पंकज कुलकर्णी गर्भवती महिलांची तपासणी करणार आहेत तर देवरुख येथे महिला रोग तज्ञ डॉ.प्राजक्ता शिंदे तपासणी करणार आहेत. सदर शिबिरामध्ये तज्ञ डॉक्टरांकडून तपासणी व रक्तातील लोहाचे (हिमोग्लोबीन ) चे प्रमाण तपासणी मोफत केली जाणार आहे तर बाकीच्या तपासण्या सवलतीच्या दरात केल्या जाणार आहेत. चिपळूण शाखेमध्ये सोनोग्राफी सुद्धा सवलतीच्या दरात केली जाणार आहे तर खेड येथे यश हॉस्पिटलच्या सहकार्याने सोनोग्राफी सवलतीच्या दरात केली जाईल. शिबीरामध्ये नोंदणी केलेल्या महिलांची प्रसूती व सिझर सवलतीच्या दरात केली जाणार आहे. तसेच ज्या गर्भवती महिला महात्मा ज्योतिराव फुले जन आरोग्य योजनेच्या लाभार्थी असतील त्यांना एसएमएस हॉस्पिटल चिपळूण येथे योजने अंतर्गत प्रसूती किंवा सिझर केले जाणार आहे.सोनोग्राफीची सुविधा , स्त्री रोग तज्ञ यांची उपलब्धता , हॉस्पिटलचे भूल तज्ञ , रक्त व लघवी तपासणी लॅब , व्हेंटिलेटर सह आयसीयूची सोय यामुळे हॉस्पिटल सर्व सुवीधाने परिपूर्ण आहे. या शिबीरामध्ये महिलांच्या अन्य आजाराबद्दल गर्भाशयाचे आजार
गर्भाशयाच्या गाठी, अंडाशयच्या गाठी ,अंगावरून रक्तस्त्राव होणे किंवा पाळी दोष या आजारा वरही तपासणी व सल्ला दिला जाणार आहे. तसेच ऑपरेशन लागल्यास सवलतीच्या दरात केले जाणार आहे. गर्भाशयाचे ऑपरेशन हे दुनिद्वारे सवलतीच्या दरात केले जाईल.शिबीराबद्दल अधिक माहिती साठी व नावनोंदणी साठी खेड ७२१८८७७०७० चिपळूण ७५२२९०६२६२ देवरुख ७७९८२११३९० या मोबाईल वर संपर्क करावा व नोंदणी करून घ्यावे असे आवाहन हॉस्पिटल च्या वतीने करण्यात आले आहे.

Leave a Reply