🛑 रिलीफ फाउंडेशन तर्फे महापुरात देवदूत म्हणून धावून आलेल्यांचा महाड येथे आज होणार विशेष सन्मान..

_*🛑 पालकमंत्री आदिती तटकरे,खासदार सुनील तटकरे,आ.भरत गोगावले यांची प्रमुख उपस्थिती..*_

*🎥 कोकण लाईव्ह ब्रेकिंग न्यूज*
_अचूक बातमी थेट हल्ला_

*✍️ प्रतिनिधी : ओंकार रेळेकर*

*🎴खेड-महाड, दि-१० :-* २२ जुलै रोजी महाड येथे आलेल्या महापुरामध्ये हजारो लोकांकरिता देवदूत म्हणून मदतीला धावून आलेल्या असंख्य सेवाभावी संस्था,सामाजिक कार्यकर्ते यांचा खेड येथील रिलीफ फौंडेशनच्या वतीने बुटाला हॉल येथे भव्य सत्कार होणार आहे.रायगडच्या पालकमंत्री ना.आदिती तटकरे,खासदार सुनील तटकरे ,जिल्हाधिकारी डॉ.महेंद्र कल्याणकर,आमदार भरत गोगावले ,उद्योगपती बशीर हजवानी,महाडच्या प्रथम नागरिक नगराध्यक्षा स्नेहल जगताप,उपविभागीय अधिकारी प्रतिमा कुटळवाड,नजीब मुल्ला,सुरेश काशीद यांच्या हस्ते या मंडळींना सन्मानित करण्यात येणार आहे.
महापुरात कोणी आपल्या जीवाची बाजी लावून पूरग्रस्तांना पुराच्या पाण्यातून वाचवले तर कोणी अन्नधान्य वाटप करून मदत केली अशावेळी पूरग्रस्त बांधवांसाठी मेहनत घेणाऱ्या सामाजिक संस्था आणि समाज सेवकांच्या दातृत्वाचा सन्मान करण्याच्या उद्देशाने कतार येथील उद्योजक अजीम धनसे यांच्या प्रयत्नाने खेड रिलीफ फाउंडेशन गेले अनेक महिने काम करीत आहे यातच रिलीफ फाउंडेशनने पुरात मदत करणार्‍यांचा सन्मान करण्याचे ठरवले आहे,या आधी काही दिवसापूर्वी चिपळूण मध्येही महापुरात मदतकार्य करणाऱ्यांचा अशाप्रकारे रिलीफ फौंडेशनच्या वतीने सन्मान करण्यात आला होता. आज सत्कार होणार आहे
विविध क्षेत्रातील मान्यवर मंडळी उपस्थित राहणार आहेत.रिलीफ फौंडेशन चे सिकंदर जसनाईक,खालिद सरगुरोह,हनिफ घनसार आदी मान्यवर कार्यक्रम यशस्वी होण्यासाठी विशेष प्रयत्न करीत आहेत.