🛑 ई पीक पाहणी साठी शेतकऱ्यांना सोयीचे होईल अशा उपायोजनांची शासनाकडून गरज..

_*🛑 ई पीक नोंदणीस तांत्रिक अडचणी.. ; शेतकऱ्यांची घुसमट..*_

*🎥 कोकण लाईव्ह ब्रेकिंग न्यूज*
_अचूक बातमी थेट हल्ला_

*✍️ प्रतिनिधी : सुनील आचरेकर*

*🎴सिंधुदुर्ग, दि-१० :-* शेतकऱ्यांनी स्वतः ई पीक पाहणी करावी असे शासनाकडून सांगितले असले तरी ग्रामीण भागात यासाठी अनेक अडचणी येत आहेत अनेक शेतकऱ्यांना आपण कोणत्या गट क्रमांकातील शेत जमिनी मध्ये पीक घेतले आहे याचीच माहिती नाही यामुळे शेतकऱ्यांना तो गट क्रमांक शोधण्यासाठी तलाठी कार्यालयात हेलपाटे मारावे लागत आहेत खाते क्रमांक व गट क्रमांक मिळाल्यानंतर अनेक शेतकऱ्यांकडे स्मार्टफोन नसल्याने तसेच ग्रामीण भागात अनेक ठिकाणी नेटवर्क सुविधा नसल्याने नोंदणी करताना अडचणी येत आहेत एवढेच नव्हे तर एका सातबारात एकापेक्षा अनेक नावे असली तर याची पीक पाहणीची नोंद स्वीकारली जात नाही गावागावातील युवक-युवतींना याचे प्रशिक्षण दिले असले तरी अनेक वेळा छोट्या-मोठ्या तांत्रिक समस्यांसाठी यांना तलाठी अथवा कृषी सहाय्यक कडे संपर्क साधावा लागतो एका तलाठ्याकडे किंवा कृषी सहाय्यक काकडे दोन ते तीन गावांचा कार्यभार आहे यांच्याशी अनेक वेळा संपर्क होत नसल्याने ईपीक पाहणी लांबणीवर जाते यामुळे सध्या ग्रामीण भागातील अनेक शेतकरी अशा तांत्रिक अडचणी मध्ये आहेत
शेतकऱ्यांनी आपली पीक पाहणी स्वतःच करावी यासाठी शासनाने ई पीक पाहणी ॲप तयार करून यांच्या माध्यमातून सातबारा उताऱ्यावर ही नोंद करण्यासाठी नवीन उपक्रम सुरू केला आहे. या योजनेची शेतकऱ्यांना माहिती मिळावी यासाठी महसूल आणि कृषी विभागामार्फत गावागावात जाऊन शेतकऱ्यांशी संवाद साधला जात होता. सुरुवातीला 30 सप्टेंबर पर्यंत मुदत देण्यात आली होती यानंतर ही मुदत 15 ऑक्टोंबर पर्यंत वाढवण्यात आली आहे शासनाने मुदतवाढ देऊन अधिकाधिक शेतकऱ्यांनी या उपक्रमात सहभागी होत आपल्या शेतातील पिकाची फळझाडांची नोंद आपणच करावी संधी उपलब्ध करून दिली आहे यामुळे आता शेतकऱ्याला पीक पाहणी नोंद करण्यासाठी महसूल यंत्रणेची वाट पाहावी लागणार नाही. शेतकऱ्याला आपण शेतात केलेल्या पिकाची नोंदणी ई पीक पाहणी योजनेअंतर्गत आता स्वतः करता येणार आहे ही नोंदणी करण्यासाठी शासनाने 15 ऑक्टोबर पर्यंत मुदतवाढ दिली आहे मात्र सिंधुदुर्गातील सातबारावर असलेले खातेदारांची अनेक नावे छोटे छोटे जमिनीचे तुकडे यामुळे ई पीक पाहणी करताना अनेक तांत्रिक अडचणींना शेतकऱ्यांना सामोरे जावे लागत आहे त्यामुळे शेतकऱ्यांची मोठया प्रमाणात घुसमट होत आहे यामुळे ई पीक पाहणी योजनेचा लाभ किती शेतकऱ्यांना मिळतो हे पाहणं गरजेचे आहे