🛑 काश्मिर मध्ये हिंदूंवर पुन्हा वाढते अत्याचार..

*🎥 कोकण लाईव्ह ब्रेकिंग न्यूज*

_अचूक बातमी थेट हल्ला_

*✍️ प्रतिनिधी : अद्वैत अभ्यंकर*

*🎴राजापूर,दि-९ ऑक्टोबर :-* काश्मिर मध्ये पाकिस्तान पुरस्कृत अतिरेक्यांच्या अत्याचारात पुन्हा वाढ झाली आहे. मिळालेल्या माहितीनुसार गेल्या पाच दिवसात सात सामान्य हिंदू नागरिकांची हत्या करण्यात आली आहे. त्याचबरोबर अलीकडे या जिहादी विचारांचा पगडा असलेल्या अतिरेक्यांनी एका शाळेत घुसून तेथे काम करणाऱ्या दोन सर्वसामान्य शिक्षकांची हत्या केवळ ते हिंदू असल्याच्या कारणास्तव केली.

अतिरेक्यांच्या या धर्म बघून हत्या करण्याच्या प्रकारचा निषेध तसेच काश्मिर मधील हिंदू धर्मियांच्या समर्थनार्थ आज विश्व हिंदू परिषद व बजरंग दल आणि अन्य हिंदुत्ववादी संघटनांनी स्थानिक प्रशासकीय अधिकाऱ्यांना निवेदने देण्याचा देशव्यापी कार्यक्रम राबवला.

राजापूर येथे तहसीलदार व उपविभागीय दंडाधिकारी यांना निवेदन देताना विश्व हिंदू परिषदेचे संदेश टिळेकर, बजरंग दलचे अद्वैत अभ्यंकर, मातृशक्तीच्या (विश्व हिंदू परिषद) माधवी हर्डीकर, प्रतिभा मराठे, भाजपा चे विवेक गुरव तसेच सामाजिक कार्यकर्ते ईशान पाळेकर यांच्यासह अनेक धर्मप्रेमी उपस्थित होते.