🛑 माडखोल गावचे ग्रामदैवत श्री देवी पावणाई मंदिरात नवरात्र व विजयादशमी निमित्त भरगच्च कार्यक्रमांचे आयोजन..

*🎥 कोकण लाईव्ह ब्रेकिंग न्यूज*

_अचूक बातमी थेट हल्ला_

*✍️ प्रतिनिधी : प्रभाकर गावडे*

*🎴सावंतवाडी, दि-०८ :-* माडखोल देवस्थान मानकरी व देवस्थान सल्लागार उपसमिती यांच्या संयुक्त विद्यमानाने माडखोल गावचे ग्रामदैवत श्री देवी पावणाई मंदिरात नवरात्र व विजयादशमी निमित्त शनिवार दि.९ ऑक्टोंबर ते शुक्रवार दि. १५ ऑक्टोबर पर्यंत विविध भरगच्च कार्यक्रमांचे आयोजन करण्यात आले आहे.

यानिमित्त शनिवारी ९ ऑक्टोबर रोजी सायंकाळी ७:३० वाजता हेळेकर दशावतार मंडळाचा नाट्यप्रयोग, रविवारी १० ऑक्टोबर रोजी महापुरुष प्रासादिक भजन मंडळ (हुमरस) चे डबलबारी बुवा निलेश तेली, पखवाज भूषण परब, तबला सिताराम तेली यांचा सिंगल डबलबारीचा कार्यक्रम, सोमवारी ११ ऑक्टोबर रोजी युवा किर्तनकार गुरुराज बुवा ठाकूर देसाई (कळसवली राजापूर) यांचा सुश्राव्य कीर्तनाचा कार्यक्रम, मंगळवारी १२ ऑक्टोबर रोजी कुडाळ येथील भैरव जोगेश्वरी फुगडी मंडळाचा व निमंत्रित दांडिया ग्रुप कार्यक्रम,

बुधवारी १३ ऑक्टोबर रोजी आकेरी येथील बालगोवर्धन फुगडी मंडळाचा व निमंत्रित दांडिया ग्रुप कार्यक्रम, गुरुवारी १४ ऑक्टोंबर रोजी स्थानिक कलाकारांचा डान्स, ग्रुप डान्स, मिमिक्री कार्यक्रम तर शुक्रवारी १५ ऑक्टोबर रोजी राष्ट्रपती पोलीस पदक प्राप्त केलेल्या माडखोल गावचे सुपुत्र महेश आडेलकर आणि संजय तेली यांचा सत्कार करण्यात येणार आहे. कार्यक्रमाचा लाभ घ्यावा असे आवाहन माडखोल देवस्थान मानकरी तसेच देवस्थान सल्लागार उपसमितीने केले आहे.