🛑 इन्सुली ग्रामपंचायतीच्या मागणी नंतर “त्या” दारु फॅक्टरी मालकाकडुन शेतजमिनीत‌ घुसलेल्या काचापासुन जखम झाल्यास उपचारासाठी देण्यात येतील ३०,००० रुपये..

_*🛑 इन्सुली ग्रामपंचायतीच्या मागणीला यश..*_

*🎥 कोकण लाईव्ह ब्रेकिंग न्यूज*
_अचूक बातमी थेट हल्ला_

*✍️ प्रतिनिधी : अंकुश नाईक*

*🎴बांदा, दि-०८ :-* इन्सुली ग्रामपंचायतीच्या मागणी नंतर त्या दारु फॅक्टरी मालकाकडुन शेतजमिनीत‌ घुसलेल्या काचापासुन जखम झाल्यास उपचारासाठी ३०,०००रु.एवढी रक्कम दिली तसेच फॅक्टरीला संपूर्ण सरक्षक भिंत बांधुन उरलेल्या शेतीतील काचा साफ करून देण्याची सुद्धा मागणी मान्य केली
‌इन्सुलीत जुलै महिन्यात तेरेखोल नदीने धोक्याची पातळी ओलांडल्याने गावात पुरस्थिती निर्माण झाली होती आणि त्यामुळे गावात असलेल्या दारु फॅक्टरीतील काचेच्या बाटल्या वाहुन काही घरांबरोबरच शेतजमिनीत घुसल्या होत्या,त्यामुळे शेतकरी किंवा पाळीव जनावरे जखमी होण्याची शक्यता होती याचीच दखल घेत इन्सुली ग्रामपंचायत सरपंच, उपसरपंच यांनी शेतकऱ्यांच्या मागणीनुसार संबंधित फॅक्टरी मालकाला नुकसान भरपाई सहीत वाहुन आलेल्या काचेच्या बाटल्यांची साफसफाई करण्यासाठी पत्र पाठवले होते.तहसिलदारांच्या समक्ष आज फॅक्टरी मालकाने शेतकऱ्यांना त्या फुटलेल्या काचेच्या बाटल्यामुळे काही इजा झाल्यास उपचारासाठी ३०,०००रु.एवढी रक्कम सावंतटेंब येथील श्री.महादेव मोरजकर यांच्याकडे देण्यात आली तसेच वाहुन गेलेल्या काचा भातकापणी झाल्यावर आपण साफ करून फॅक्टरीच्या सभोवतालची संरक्षक भिंत सुद्धा आपण बांधून पूर्ण करु त्यामुळे भविष्यात पुर आल्यास काचेच्या बाटल्या बाहेर पडणार नाहीत अशी ग्वाही दिली.यावेळी सरपंच श्री.तात्या वेंगुर्लेकर,उपसरपंच रामचंद्र चराटकर,बांदा पोलिस निरीक्षक श्री काळे,पोलिस पाटील,तलाठी श्री. अहीरे,सामाजिक कार्यकर्ते नाना पेडणेकर उपस्थित होते.