🛑 रोटरी क्लब ऑफ सिंधुदुर्ग सेन्ट्रल आयोजित विविध स्पर्धांचा पारितोषिक वितरण सोहळा उत्साहात..

 

*🎥 कोकण लाईव्ह ब्रेकिंग न्यूज*

_अचूक बातमी थेट हल्ला_

*✍️ प्रतिनिधी : सुनील आचरेकर*

*🎴सिंधुदुर्ग, दि-०६ :-* दोन वर्षांपूर्वी मोबाईल बाजूला ठेवून अभ्यासाला बस असे म्हणणारे पालक आता मोबाईल घेऊन अभ्यासाला बस असं म्हणत आहेत,विद्यार्थांना यात कदाचित आनंद वाटत असेलही पण ही तात्कालिक स्थिती आहे.विद्यार्थी दशेत पुस्तक वाचन हे अत्यंत गरजेचे आहे,त्यातूनच विद्यार्थ्यांला आपला व्यक्तिमत्व विकास साधणे शक्य आहे.म्हणून क्लबच्या माध्यमातून असा पुस्तक परीक्षण सारखा थोडासा अवघड विषय स्पर्धेसाठी निवडण्यात आला होता असे प्रतिपादन रो.प्रा.शंकरराव कोकितकर यांनी पारितोषिक वितरण सोहळ्यात बोलताना केले.

रोटरी क्लब ऑफ सिंधुदुर्ग सेन्ट्रलच्या वतीने सप्टेंबर महिना हा ‘साक्षरता मास’ म्हणून राबविण्यात आला.

त्या अनुषंगाने दशक्रोशीतील विद्यार्थ्यांसाठी निबंध,पोस्टर स्लोगन,पुस्तक परीक्षण यासारख्या विविध स्पर्धांचे आयोजन करण्यात आले होते.या सर्व स्पर्धांमध्ये शंभरहून अधिक विद्यार्थ्यांनी सहभाग घेतला.या स्पर्धेचे परीक्षण प्रा.शंकरराव कोकितकर, प्रा.अतुल बागवे, मुख्याध्यापक दीपक आळवे या त्रयींनी केले.

डॉ कोलते हॉस्पिटल येथे पार पडलेल्या बक्षीस वितरण सोहळ्याप्रसंगी यशस्वी विद्यार्थ्यांनी पुस्तक परीक्षण वाचन सादर केले.

क्लबचे अध्यक्ष रो.डॉ प्रशांत कोलते यांनी यावेळी विद्यार्थांना समयोचित मार्गदर्शन केले.संबंधित शाळांचे शिक्षक आणि पालक अपेक्षित संख्येने कार्यक्रमाला उपस्थित होते. प्रशस्तीपत्रक आणि रोख रक्कमेच्या परितोषिकांनी विद्यार्थ्यांचा गौरव करण्यात आला.

ही स्पर्धा यशस्वी होण्यासाठी क्लबचे अध्यक्ष रो डॉ प्रशांत कोलते, सेक्रेटरी रो उदय जांभवडेकर,खजिनदार रो नवीन बांदेकर,रो डॉ वैभव आईर आणि सर्व रोटरीयन्स सदस्यांनी मेहनत घेतली. पारितोषिक वितरण सोहळ्यासाठी प्रा निलेश महिंद्रकर,श्री काळे सर आदी मान्यवर उपस्थित होते.

स्पर्धेतील विजेते पुढीलप्रमाणे *निबंध स्पर्धा*

प्रथम-भार्गव अतुल बागवे- कसाल हायस्कुल

द्वितीय-कोमल नारायण साटम-डॉन बॉस्को हायस्कूल ओरोस

तृतीय-प्रज्ञा शिवराम सावंत-शिवाजी इंग्लिश स्कुल पणदूर तिठा

 

*पोस्टर स्लोगन स्पर्धा*

प्रथम -श्रावणी संतोष बागवे-कसाल हायस्कुल

द्वितीय -दिव्या राजेंद्र तायडे -पुष्पसेन सावंत ज्युनिअर कॉलेज वाडी-हुमरमळा

तृतीय -संजोक्ता विशाल सावंत -आवळेगाव हायस्कूल

 

*पुस्तक परीक्षण स्पर्धा-*

प्रथम -हर्षद संतोष पवार-शिवाजी इंग्लिश स्कुल पणदूर तिठा

द्वितीय -वैष्णवी कृष्णा चव्हाण -शिवाजी इंग्लिश स्कुल पणदूर तिठा

तृतीय -सेजल श्रीकांत माणगावकर-आवळेगाव हायस्कूल