🛑 कॅन्सर उपचारासाठी एका बडया कंपनीच्या हॉस्पिटलमध्ये बेड मिळवून देतो, असे सांगुन गंडा घालण्याचा प्रकार..

_*🛑 संशयिताला सिंधुदुर्ग पोलिस सायबर खात्याने दणका..*_

*🎥 कोकण लाईव्ह ब्रेकिंग न्यूज*

_अचूक बातमी थेट हल्ला_

*✍️ ब्युरो न्यूज : कोकण लाईव्ह ब्रेकिंग*

*🎴सिंधुदुर्ग,दि-०१ऑक्टोबर:-* कॅन्सर उपचारासाठी एका बडया कंपनीच्या हॉस्पिटलमध्ये बेड मिळवून देतो, असे सांगुन कणकवलीतील व्यक्तीची तर ओटीपीच्या माध्यमातून वेंगुर्लेतील अन्य एकाला ऑनलाईन गंडा घालण्याचा प्रकार करणाऱ्या संशयिताला सिंधुदुर्ग पोलिस सायबर खात्याने दणका दिला आहे. त्या अज्ञाताकडुन फसवून घेण्यात आलेली ५३ हजार ३०० रुपयाची रक्कम गोठवून ती परत मिळवून दिली आहे. तसेच अशा प्रकारे ऑनलाईन आवाहनांना कोणी बळी पडू नये, असे आवाहन सायबर सेलचे सहाय्यक पोलिस निरिक्षक बळीराम सुतार यांनी केले आहे. याबाबत अधिक माहीती अशी की, वेंगुर्ले येथील चद्रकांत अशोक गावडे यांनी फ्लिपकार्ड या कंपनीवर सिट कव्हर मागवले होते. मात्र प्रत्यक्षात त्यांना सिट कव्हर न येता पुठ्ठ्याचा बॉक्स आला. त्यामुळे त्यांनी गुगलवर जावून तक्रार केली. यावेळी त्यांना तुम्हाला एक ओटीपी येणार आहे, तो तुम्ही दया, असे सांगण्यात आले. त्यानंतर आलेला ओटीपी संबधितांना दिल्यानंतर गावडे यांच्या खात्यातील तब्बल ८ हजार ३०० रुपये रक्कम वजा झाली.

दुसरा प्रकार हा कणकवली येथे घडला आहे. तेथील एका व्यक्तीने आपल्या कॅन्सर झालेल्या नातेवाईकाच्या उपचारासाठी पतंजली योग ग्राम या साईटवर असलेल्या हॉस्पिटलमध्ये बेड मिळण्यासाठी अर्ज केला. समोरून फोन आला आणि त्याने ५५ हजार रुपये भरा, असे सांगितले. यावेळी संबधित व्यक्तीने पैसे भरले. मात्र समोरुन काहीच प्रतिसाद आला नाही. त्यामुळे आपण फसलो असल्याचे लक्षात येताच त्याने सिंधुदुर्ग सायबर सेलकडे तक्रार केली. त्यावर दोघांचे ही पैसे गोठविण्यास पोलिसांना यश आले आहे. ही पोलिस अधिक्षकांच्या मागदर्शनाखाली सुतार व त्यांचे सहकारी अधिक तपास करीत आहेत