🛑 सावंतवाडीतील व्यापाऱी युवकाचा प्रामाणिकपणा..

*🎥 कोकण लाईव्ह ब्रेकिंग न्यूज*

_अचूक बातमी थेट हल्ला_

*✍️ प्रतिनिधी : प्रथमेश गावडे*

*🎴सावंतवाडी, दि-२९ :-* समाजात आज माणुसकी हरवत चाललेली असताना सावंतवाडी शहरातील वसंत प्लाझा कॉम्प्लेक्स मधील “भांबुरे मॅचींग सेंटर” चे मालक श्री. सुदीप दुर्गादास भांबुरे या २७ वर्षीय युवकाने दाखवलेल्या प्रामाणिकपणाबद्दल त्यांचे सर्व स्तरातून कौतुक होत आहे.

गणेश चतुर्थीच्या धावपळीच्या काळात “भांबुरे मॅचिंग सेंटर” येथे खरेदीसाठी गेलेल्या सावंतवाडीतील सौ. कुडतरकर या पैशाचे पाकीट (पर्स ) श्री. भांबुरे यांच्या दुकानात विसरल्या. सदर पैशाचे पाकिट दुकान मालक श्री.भांबुरे यांच्या लक्षात येताच त्यांनी आपल्याजवळ जपून ठेवून पर्स मालकाचा शोध घेऊन आतील सर्व मुद्देमाल एटीएम कार्ड, क्रेडिट कार्ड, तसेच रोख रक्कमेसहित पर्स मालकास परत केली.

आज समाजात झटपट पैसा कमावण्याच्या नादात चोरीमारी, चैन स्नॅचिंग असे प्रकार दिवसेंदिवस वाढत असतानाच प्रामाणिकपणाची अनेक उदाहरणेही समोर येत आहेत. श्री.सुदीप भांबुरे या युवकाने दाखवलेला प्रामाणिकपणा खरोखरच कौतुकास्पद आहे.