🛑 मालवण तालुक्यातील हिवाळे सजाला कायमस्वरूपी तलाठी देण्यात यावा..

🛑 जिल्हा परिषदेचे वित्त व बांधकाम सभापती महेंद्र चव्हाण यांची जिल्हाधिकाऱ्यांकडे लेखी पत्राद्वारे मागणी..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : सुनील आचरेकर

🎴सिंधुदुर्ग, दि-२९ :- मालवण तालुक्यातील हिवाळे गावाला बरेच दिवस तलाठी उपलब्ध नसल्याने शेतकरी वर्ग व तलाठी कार्यालयात कामानिमित्त येणाऱ्या नागरिकांचे मोठ्या प्रमाणात हाल होत आहेत. त्यामुळे सातबारा नोंदी घालने, वारस तपास करणे, ई पीक पाहणी कार्यक्रमांतर्गत नागरिकांची कामे खोळंबली आहेत सध्या मोठ्या प्रमाणात पाऊस पडत असून भात शेती किंवा इतर शेतीचे मालमत्तेचे नुकसान होऊ शकते. अशा वेळी पंचनामे किंवा इतर शासकीय कामे पूर्ण करण्यासाठी हिवाळे गावात कायमस्वरूपी तलाठी असणे आवश्यक आहे. मालवण तालुक्यातील हिवाळे सजासाठी कायमस्वरूपी तलाठी नियुक्त करावा अशी मागणी सिंधुदुर्ग जिल्हा परिषदेचे वित्त व बांधकाम सभापती महेंद्र चव्हाण यांनी जिल्हाधिकारी सिंधुदुर्ग यांच्याकडे लेखी निवेदनाद्वारे केली आहे