🛑 रोशनी फाउंडेशनने मुस्लिम धर्माला अभिप्रेत असलेली संस्कृती जपली ; आमदार शेखर निकम

 

🛑 रोशनी एज्युकेशन वेल्फेअर ट्रस्ट ,जमियत अहले हदीस ,दारूल हुदा फाउंडेशन उडपी यांच्या वतीने पूरग्रस्त छोट्या व्यावसायिकांना हातगाडीचे वाटप..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : ओंकार रेळेकर

🎴चिपळूण,दि-२५ :- महापुरात सर्व प्रकारचे मदतकार्य करून रोशनी फाउंडेशन ने समाजात एक आदर्श निर्माण केला आहे आज हातावर पोट असणाऱ्या व्यवसायिकांना हातगाडी चे वाटप करून रोशनी फाउंडेशनने पूरग्रस्त छोट्या व्यावसायिकांना पुन्हा एकदा रोजी-रोटीला लावण्याचा प्रयत्न केला आहे. रोशनी फाउंडेशन आणि मुस्लिम समाजाने मुस्लिम धर्माला अभिप्रेत असेलेली संस्कृती जपण्याचे काम केले आहे अशी प्रतिक्रिया चिपळूण – संगमेश्वर चे लोकप्रिय आमदार शेखर निकम यांनी आपल्या मार्गदर्शनपर भाषणात बोलताना व्यक्त केली.

 

रोशनी एज्युकेशनल वेल्फेअर ट्रस्ट, सुबये जमियते अहले हद्दीस मुंबई, इदारा दावतुल कुराण सुन्ना,दारूल हुद्दा फौंडेशन उडपी यांच्या वतीने काल सकाळी गोवळकोट रोड येथील

मिल्लतनगर मशीद येथे चिपळूण मधील अत्यंत गरजवंत पूरग्रस्त छोट्या ७५ व्यावसायिकांना हातगाडी चे वाटप करण्यात आले. तालुक्‍यातील १२ शाळांना नोटबुक वाटप करण्यात आले तसेच पूरग्रस्त गरजवंत दोनशे जणांना स्टील कपाटे ३४ शिलाई मशीनचे यापूर्वी वाटप झाले आहे .महाराष्ट्र हायस्कूल चिपळूणला या कार्यक्रमात ट्रस्ट तर्फे एक लाख रुपयांचा धनादेश देण्यात आला.तर २५ हजाराचा धनादेश जमियात अहले हदीस मुंबई यांच्यातर्फे देण्यात आला चिपळूण मध्ये जमियते अहले हदीस यांच्या वतीने २२ जुलै पासूनच सातत्याने पूरग्रस्तांना मदत कार्य सुरू आहे,गुरुवारी काही पूरग्रस्त बांधवांना रोख चेक स्वरूपात मदत करण्यात आली.या कार्यक्रमात बोलतांना आ.निकम पुढे म्हणाले की माणसाने माणसाला मदत करीत एक चांगल्या प्रकारच्या माणुसकीचे दर्शन येथे फाउंडेशनने घडवले आहे यासिन दळवी,इब्राहिम सरगुरोह आणि त्यांच्या सर्व सहकार्यांना मी मनापासून धन्यवाद देतो असे आ.निकम म्हणाले

आमदार शेखर निकम,आरोग्य सभापती नगरसेवक शशिकांत मोदी,अंजुमन दंदमनचे प्रमुख मौलाना सादिक मेस्त्री,उपाध्यक्ष अब्दुल मलिक काझी,रोशनी फौंडेशनचे अध्यक्ष मुनावर पठाण,सदस्य मकसूद सैन्,सेक्रेटरी अब्दुलहक खलफे,

महंमद खलफे,नगरसेवक शौका कादरी,माजी सभापती रामदास राणे,विनायक पवार,सामाजिक कार्यकर्ते समाजभूषण शिलभद्र जाधव,आंबेडकर वाचनालय अध्यक्ष सुनील खेडेकर,

चिपळूणकर गुरुजी आदी मान्यवर व्यासपीठावर उपस्थित होते.

कोरोना संक्रमण काळ असो किंवा चिपळूणमध्ये आलेला महापुर या काळात चिपळूण वासियांकरता रोशनी फौंडेशन आणि सामजिक कार्यकर्ते यासिन दळवी स्वतः थेट मदतकार्यात उतरले आहेत,दळवी यांच्या या सेवाभावी वृत्तीमुळे सर्वच समाजातून त्यांच्या कार्याचे कौतुक केले जात आहे.ते सर्वधर्मसमभाव हे तत्व जपून मदत कार्यात उतरले आहेत रोशनी फाउंडेशन आणि जामा मशिद अहले हदीस राष्ट्रीय एकात्मतेचे प्रतीक असल्याची प्रतिक्रिया समाजभूषण पुरस्कार प्राप्त झालेले सामाजिक कार्यकर्ते शिलभद्र जाधव यांनी यावेळी बोलताना व्यक्त केली.कोरोना काळात अनेकांचा रोजगार गेला असताना यासीन दळवी आणि त्यांच्या सहकाऱ्यांनी घरोघरी अन्नधान्य जीवनात वस्तू वाटण्याचे काम केले होते अनेकांच्या चुली विझल्या होत्या त्या पेटवण्याचे महान पुण्य रोशनी फाउंडेशन आणि यासीन दळवी यांनी केले

स्वतःच्या घरात ढोपरभर चिखल पुराचे पाणी होते तरीही यासीन दळवी लोकांच्या मदतीसाठी उतरले रोशनी फाउंडेशन आणि मुस्लिम समाज बांधव यांचे कोरोना संकट काळातील व महापुरात सर्वात मोठे मदत कार्य झाले असल्याचे समाजभूषण पुरस्कार प्राप्त सामाजिक कार्यकर्ते शिलभद्र जाधव यांनी आपल्या भाषणात बोलतांना सांगितले.

महापुरा आल्याच्या पहिल्या दिवसापासूनच रोशनी फाउंडेशन महाड ,चिपळूण, खेड मध्ये मदत कार्यात उतरली चिपळूणमध्ये सर्वत्र पाण्याचा आहाकार होता या वेळी विजेची व्यवस्था नसल्यामुळे लोकांचे पिण्याच्या पाण्याचे मोठे हाल झाले होते आम्ही तात्काळ येथे सर्व लोकांना पिण्याच्या पाण्याची व्यवस्था करून आमच्या महाड मधील सुमारे शंभर मुलांची टीम घेऊन चिखल आणि कचरा साफसफाईसाठी थेट रस्त्यावर उतरलो यानंतर रोशनी फाउंडेशनच्यावतीने अन्नधान्य ,भांडी, कपडे,गृहउपयोगी वस्तू यांचे वाटप मोठ्या प्रमाणात केले नागरिकांवर अशा प्रकारचे संकट कधी येऊ नये अशी मी आल्हाह कडे प्रार्थना करतो असे सांगून ज्या ज्या वेळी गरजवंतांना आमची गरज लागेल तिथे तिथे रोशनी फाउंडेशन चिपळूणवासीयांच्या सेवेत हजर राहिल असे रोशनी फाऊंडेशनचे सेक्रेटरी अब्दुलहक खलफे यांनी आपल्या मार्गदर्शनपर भाषणात बोलताना सांगितले.अतिवृष्टी व महापुरामुळे चिपळूणवासियांचे अतोनात नुकसान झाले आहे. पूर ओसरल्यानंतर राजकीय पक्षांसह स्वयंसेवी संस्था दानशूरांनी पूरग्रस्तांना मदतीचा सहकार्याचा हात दिल्याने दिलासा मिळण्यास मदत झाली. यामध्ये रोशनी एज्युकेशनल वेल्फेअर ट्रस्ट तसेच सुबये जमियते अहले हद्दीस मुंबई, इदारा दावतुल कुरआन सुन्ना चिपळूण या संस्थांनी देखील पूरग्रस्त व दरडग्रस्तांना भरघोस मदतीचा हात दिला आहे जीवनावश्यक वस्तूंच्या किटसह ब्लॅंकेट, चादर, भांडी आदी साहित्यांचा देखील समावेश होता. या संस्थांतर्फे आजपर्यंत हजारो पूरग्रस्तांना या वस्तूंचे वाटप करण्यात आले आहे. या संस्थांनी एक प्रकारे पूरग्रस्तांना सहकार्याचा, मदतीचा हात दिला आहे. विविध प्रकारच्या मदतीच्या वाटपाचे नियोजन ‘मिलत नगर’ जामा मस्जिद अहले हदीस गोवळकोटरोड येथून करण्यात आले. अशी माहिती अध्यक्ष यासीन दळवी यांनी दिली.महाड येथील पूरग्रस्तांना देखील भरघोस मदत देण्यात आली. चिपळुणातील गरजू व गरीब पूरग्रस्त, दरडग्रस्तांच्या पुनर्वसनासाठी देखील प्रयत्न केले जाणार असल्याची माहिती यासिन दळवी यांनी दिली आहे.

या पूर्वी महाड,चिपळूण ,खेड येथे एकूण ४५० स्टील कपाटांचे वाटप पूर्ण झाले आहे सोबत येथे गॅस शेगड्या,अन्नधान्यकीट वाटप झाले आहे.यासिन दळवी यांनी संपूर्ण कार्यक्रमाची रूपरेषा सांगताना आपल्या आणि सहकारी मंडळींच्या वतीने विविध संस्थांनी आज पर्यंत केलेल्या मदती विषयी माहिती दिली.संपूर्ण कार्यक्रमाचे सूत्रसंचालन चिपळूण मधील नामवंत क्रिकेटपट्टू इब्राहिम सरगुरोह यांनी केले .रोशनी फौंडेशनचे चिपळूण उपाध्यक्ष यासिन दळवी यांच्या मार्गदर्शनाखाली आरिफ काद्री, बच्चू कांबळे,नहींम खान, जकारीया मुजावर,गैसुद्दीन खान,अजगरअली तांबे,इम्तियाज चाहुज (दाभोळवाले),सुलतान नाडकर,इकबाल केसकर आदी मंडळींनी हा कार्यक्रम यशस्वी होण्यासाठी विशेष मेहनत घेतली. २६ सप्टेंबर रोजी रोशनी फाउंडेशनच्या वतीने मिल्लत नगर मशीद येथे स.१० ते दु.१ या वेळेत गरीब गरजवंत व दारिद्र रेषेखालील नागरिकांसाठी मोफत नेत्र तपासणी शिबिर होणार आहे अशी माहिती सामाजिक कार्यकर्ते यासीन दळवी यांनी यावेळी दिली.याच ठिकाणी पुढील १० दिवस कोकणी मुस्लिम डॉक्टरस असोसिएशन च्या सहकार्याने मेडिकल चेकअप क्लीनिक सुरू राहणार असून औषधेही मोफत मिळणार आहेत तरी सर्व नागरिकांनी याचा लाभ घ्यावा असे आवाहन करण्यात येत आहे.

 

 

 

 

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

*♦कार्यकारी संपादक : आनंद धोंड*

*📱संपर्क : +919423958828*

*♦ब्युरो चीफ : विशाल पित्रे*

*📱संपर्क : +919405475712*

 

 

*🎴कोकण लाईव्ह व्हॉट्सॲप ग्रुप👇🏻*

https://chat.whatsapp.com/G4Eze9woWlw7ngXJwQ6iTo

 

*🖥️ कोकण लाईव्ह ब्रेकिंग*

_अचूक बातमी थेट हल्ला_