🛑 माडखोल उत्कर्ष ग्रुप ॲडमिन यांच्यावतीने ग्रुप मर्यादित ऑनलाइन गणेश सजावट स्पर्धेत मधुकर राऊळ ठरले प्रथम क्रमांकाचे मानकरी..

🛑 माडखोल येथील उत्कर्ष व्हाट्सएप ग्रुप चा कौतुकास्पद उपक्रम..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : प्रभाकर गावडे

🎴सावंतवाडी, दि-२४ :- माडखोल येथील उत्कर्ष ग्रुपच्या वतीने आयोजित करण्यात आलेल्या ऑनलाइन गणेश मूर्ती व सजावट स्पर्धेत प्रथम क्रमांक मधुकर वसंत राऊळ (बेबीवाडी), द्वितीय क्रमांक सावळाराम देऊ राऊळ ( डुंगेवाडी ), तृतीय क्रमांक सखाराम पंढरीनाथ चांदरकर (धवडकी) यांनी पटकाविला . तर उत्तेजनार्थ पारितोषिकसाठी संकेत तेली डुंगेवाडी यांची निवड करण्यात आली. माडखोल चे ग्रामदैवत पावनाई देवी मंदिरात स्पर्धेचे पारितोषिक वितरण कार्यक्रम पार पडला. यावेळी देवस्थान प्रमुख मानकरी दत्ताराम राऊळ, देवकार शंकर राऊळ, सरपंच संजय शिरसाट, उपसरपंच शिवाजी परब, माजी सरपंच राजन राऊळ, देवस्थान कमिटी सचिव जीजी राऊळ, माडखोल सोसायटीचे चेअरमन भाऊ कोळमेकर, माजी उपसरपंच अँड सुरेश आडेलकर, अनिल परब, मधुकर तेली, नंदु दळवी, पोलिस पाटील ऊदय राऊत, ग्रामपंचायत सदस्य लक्ष्मण कोळमेकर, माजी सैनिक संघटनचे सचिव सहदेव राऊळ, उपाध्यक्ष जगन्नाथ परब, उत्कर्ष ग्रुपचे मुख्य प्रवर्तक सुयोग राऊळ, संतोष राऊळ, अमित राऊळ, विजय राऊळ, प्रकाश मुरकर, शुभम राऊळ, राहुल आडेलकर, बाबू काका, सागर राऊळ, अक्षय गावडे आदी उपस्थित होते.

या कार्यक्रमाचे औचित्य साधुन माडखोल गावातील मुर्तिकार ज्ञानदेव राऊळ, भाई केसरकर, देवा मोरजकर, उदय राऊत, ओमकार पान्होळकर, तुषार मुरकर, सतिश पान्होळकर, संकेत तेली यांचा सत्कार करण्यात आला. प्रथमच आयोजित करण्यात आलेल्या या स्पर्धेला उत्स्फूर्त प्रतिसाद लाभला. सर्वांनीच या उपक्रमाचे कौतुक करून पुढील या स्पर्धेला व्यापक स्वरूप देण्याचा मनोदय व्यक्त करण्यात आला. यानिमित्त एकापेक्षा एक असे सरस देखावे आणि आकर्षक गणेश मुर्त्या पहावयास मिळाल्या.

या स्पर्धेसाठी पारितोषिके माजी सरपंच माडखोल तथा सावंतवाडी भाजपा उपाध्यक्ष राजन राऊळ,उपाध्यक्षश्री सद्गुरू साटम महाराज शिक्षण प्रसारक मंडळ माडखोल-धवडकी , तथा माडखोल देवस्थान समिती सचिव जीजी राऊळ, सुयोग राऊळ यांनी, तर सन्मानपत्र आणि भेटवस्तु सरपंच संजय शिरसाट, दिव्यांग सेना जिल्हाध्यक्ष संजय देसाई, माजी उपसरपंच अँड सुरेश आडेलकर यांनी पुरस्कृत केली होती. या स्पर्धेसाठी परीक्षक म्हणून माडखोल माध्यमिक विद्यालयाचे प्रा. भरत गावडे यांनी काम पाहिले. कार्यक्रमाचे प्रास्ताविक अँड सुरेश आडेलकर तर सुत्रसंचालन व आभार प्रदर्शन सामाजिक कार्यकर्ते लखन आडेलकर यांनी केले.