🛑 कळणे खनिज मायनिंग प्रकल्पामुळे नुकसानग्रस्त शेतकर्‍यांना तातडीने नुकसान भरपाई मिळावी..

🛑 माजी आमदार परशुराम उपरकर यांची जिल्हाधिकार्‍यांकडे मागणी..

🛑 अन्यथा मनसेच्या माध्यमातून नुकसान भरपाई मिळण्या करीता रस्त्यावर उतरून केले जाणार आंदोलन..

🎥 कोकण लाईव्ह ब्रेकिंग न्यूज
अचूक बातमी थेट हल्ला

✍️ प्रतिनिधी : सुनिल आचरेकर

🎴सिंधुदुर्ग, दि-२१ :- दोडामार्ग – कळणे खाण प्रकल्पातील दि-२९ जुलै २०२१ रोजी अतिवृष्टीमुळे अनेकदा भराव वाहून जावून खाणीच्या पाण्याचा बांध फुटून शेतकऱ्यांच्या घराचे, घरातील वस्तुंचे नुकसान झालेले असुन तसेच त्यांच्या फळझाडे व शेती यांचे मोठ्या प्रमाणावर नुकसान झाले आहे. सदर भरपाई शासनाने मुल्यांकन करून भरपाई कंपनीकडे मिळण्या करीता १५ ऑगस्ट २०२१ रोजी ग्रामस्थ उपोषणाला बसले होते. त्या ग्रामस्थांना प्रशासना कडून नुकसान भरपाई लवकरात लवकर देण्याचे मान्य केले होते. त्यांना उद्याप पर्यंत कोणत्याही प्रकारची मदत मिळाली नाही. सदर झालेल्या शेतकर्‍यांच्या नुकसानी बाबत महसूल विभाग, बांधकाम विभाग, कृषी विभाग यांच्याकडून मुल्यांकन करून शेतकऱ्यांना नुकसान भरपाई तातडीने देण्याचे आदेश व्हावेत . त्याचप्रमाणे पिण्याचे पाणी दुषित झालेले आहे. सदर पाणी पिण्यास योग्य नसल्याने ग्रामस्थांना पाणी विकत घ्यावे लागत असून पिण्याच्या पाण्याची कंपनी मार्फत तातडीने ट्रँकर किंवा अन्य मार्गाने पिण्याच्या पाण्याची व्यवस्था करण्याची सुचना करण्यात यावी अशी मागणी माजी आमदार तथा महाराष्ट्र नवनिर्माण सेनेचे सरचिटणीस परशुराम उर्फ जीजी उपरकर यांनी जिल्हाधिकार्‍यांकडे लेखी निवेदना द्वारे केली आहे.
लवकरात लवकर नुकसान ग्रस्त कळणे वासियांची योग्य ती सोय न केल्यास महाराष्ट्र नवनिर्माण सेना नुकसान भरपाई मिळण्या करीता रस्त्यावर उतरून आंदोलन करेल असा इशारा देखील त्यांनी निवेदना द्वारे दिला आहे.