🛑 चिपी विमानतळाचे लवकरात लवकर उद्घाटन करवे अन्यथा ती फक्त नेत्यांची हेलीकॉप्टर उतरवणारी धावपट्टी ठरेल ; माजी खासदार ब्रिगेडियर सुधीर सावंत

 

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : प्रथमेश गावडे

🎴सावंतवाडी, दि-१७ :- देशातील आर्थिक विषमता आणि रोजगारावर कोणी बोलत नाही, असे माजी खासदार बिग्रेडीअर सुधीर सावंत यांनी सांगितले.  मुख्यमंत्री उद्धव ठाकरे व पर्यटनमंत्री आदित्य ठाकरे यांनी सिंधुदुर्ग पर्यटन जिल्ह्यामध्ये आर्थिक व रोजगार निर्माण करणारे धोरण आखले पाहिजे असे ते म्हणाले.

केंद्रीय हवाई मंत्रालयाने चिपी विमानतळ इंटरनॅशनल म्हणून घोषित केल्यानंतरच उद्घाटन करावे अन्यथा ती फक्त नेत्यांची हेलीकॉप्टर उतरवणारी धावपट्टी ठरेल असे माजी खासदार ब्रिगेडियर सुधीर सावंत यांनी म्हटले आहे.

सिंधुदुर्ग जिल्हा पर्यटन विकासाचे धोरण आर्थिक व बेरोजगारी दूर करणारे असावे त्यासाठी मुख्यमंत्री आणि पर्यटनमंत्री यांनी प्रयत्न करावे अशी मागणी आपण पर्यटनमंत्री आदित्य ठाकरे यांच्याकडे करून विकासाचे धोरण ठरविण्यासाठी बैठक आयोजित करावी म्हणून केली आहे असे सावंत म्हणाले.

ब्रिगेडियर सुधीर सावंत पत्रकार परिषदेत बोलत होते यावेळी जिल्हा काँग्रेसचे सरचिटणीस राजेंद्र मसुरकर व काँग्रेसचे तालुका उपाध्यक्ष समीर वंजारी उपस्थित होते.

यावेळी माजी खासदार सुधीर सावंत म्हणाले, आपण खासदार झाल्यानंतर काँग्रेसमध्ये असताना प्रथम सिंधुदुर्ग पर्यटन जिल्हा आणि विमानतळ व्हावा म्हणून प्रयत्न केले होते खासदार झाल्यानंतर जिल्ह्याच्या विकासासाठी पर्यटन, सहकार, उद्योग, शैक्षणिक असा आराखडा बनविला होता आणि रोजगाराला प्राधान्य दिले होते. पर्यटन उद्योग मुख्य व्यवसाय असावा असे नियोजन केले होते.

सिंधुदुर्ग जिल्ह्यात इंटरनॅशनल विमानतळ व्हावा अशी आपण मागणी केली होती. गोवा राज्यातील विमानतळ नेव्ही चे असल्याने एअरपोर्ट इंडियाचे  आंतरराष्ट्रीय विमानतळ सिंधुदुर्गात व्हावे असा आपला आग्रह होता त्यामुळे सन १९९५ मध्ये जमीन देखील पाहणी केली होती मात्र सिंधुदुर्ग जिल्ह्यात आंतरराष्ट्रीय दर्जाचे विमानतळ होणार म्हटल्यावर गोवा राज्यातील नेते उचल घेतील अशी भीती असल्याने आम्ही गाजावाजा केला नव्हता गुप्तता पाळली होती. त्यानंतर सरकार बदलले आणि गमजा मारायला सुरुवात झाली त्यामुळे गोव्यातील नेते खवळले व आंदोलन सुरू केली शेवटी गोवा मोपा येथे आंतरराष्ट्रीय विमानतळ मंजूर झाले, असे माजी खासदार सुधीर सावंत यांनी सांगितले.

श्रेय घेण्यापेक्षा लोकांच्या भविष्याची काळजी करून इंटरनॅशनल विमानतळ मंजूर करून श्रेयवाद करावा. जिल्ह्यामध्ये पर्यटन अभ्यासक्रमाची गरज आहे.पर्यटनमंत्री आदित्य ठाकरेंकडे सिंधुदुर्ग पर्यटन धोरण जाहीर करण्यासाठी आपण प्रस्ताव दिला आहे त्यांनी बैठक आयोजित करावी ते पर्यटनमंत्री तर मुख्यमंत्री उद्धव ठाकरे आहेत त्यामुळे राज्य सरकारने सिंधुदुर्गच्या पर्यटनाचा विकास आराखडा बनवावा असे सांगत नोकरी आणि रोजगारावर लक्ष ठेवून  विकास घडायला हवा असे ते म्हणाले

कोकण रेल्वे विकसित झाली तिचे खासगीकरण होऊ नये खाजगीकरण हे घातक आहे खासगीकरणामुळे फक्त ठराविक लोकांना आर्थिक फायदा होतो मात्र कोकण रेल्वेच्या प्रवाशांची गैरसोय आणि आर्थिक परिणाम भोगावे लागतील. भविष्यामध्ये कोकण रेल्वेचे खाजगीकरण होण्याची भीती असून विमानतळाचे देखील खाजगीकरण झालेतर आश्चर्य व्यक्त करण्याची गरज नाही, असे ते म्हणाले.

आर्थिक विषमता असल्याने देशाच्या अर्थव्यवस्थेपेक्षा फक्त १२६ जणांकडे जास्त पैसा आहे. त्यामुळे भारताच्या आर्थिक परिस्थितीवर परिणाम झाला. भारताला आर्थिक समृद्ध बनविण्यासाठी स्वप्न आहे ते आर्थिक व बेरोजगारी दूर करणारे असावे.

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

*♦कार्यकारी संपादक : आनंद धोंड*

*📱संपर्क : +919423958828*

*♦ब्युरो चीफ : विशाल पित्रे*

*📱संपर्क : +919405475712*

 

 

*🎴कोकण लाईव्ह व्हॉट्सॲप ग्रुप👇🏻*

https://chat.whatsapp.com/G4Eze9woWlw7ngXJwQ6iTo

 

*🖥️ कोकण लाईव्ह ब्रेकिंग*

_अचूक बातमी थेट हल्ला_