🛑 ठाणे रेल्वे स्थानकावर गणेशभक्तांना गावी जाण्यासाठी आर टी सी पी आर ची सक्ती का ? असा प्रश्न उपस्थित करणारे आंदोलन..

September 6, 2021 Pratik Rane

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : ठाणे

🎴ठाणे, दि- ०६ :- राजकीय दौरे, आंदोलने ,यात्रा यांना कोविड काळात परवानगी मिळते मग गणेश भक्तांना गावी जाण्यासाठी आरटीसीपीआरची सक्ती कशाला? असा प्रश्न ठाणे रेल्वे स्थानकावर झालेल्या आंदोलनास प्रवासी संघटनेने उपस्थित केला.

कोकण रेल्वे प्रवासी सेवा संघ ठाणे या संघटनेच्या माध्यमातून ठाणे स्थानकात कोरोनाच्या पार्श्वभूमीवर कोकण वासियांना गणेशोत्सवासाठी मूळगावी जाण्यासाठी आर टी पी सी आर चाचणी सक्तीची न करता रद्द करावी यासाठी चे आंदोलन करण्यात आले. संघटनेचे सर्व पदाधिकारी आणि सभासद आवर्जून उपस्थित होते.

आत्तापर्यंत सर्व प्रकारे शासन आणि प्रशासन यांना रितसर पत्रव्यवहार ही करण्यात आला. परंतू कोकणवासियांना कुठल्याही प्रकारचे उत्तर संघटनेस आजवर मिळाले नाहीत. कोकणातील असलेल्या सर्व राजकीय नेते यांचेही कुठल्याही प्रकारची आश्वासने ही मिळावीत असे ही नाही.

राजकीय दौरे, मेळावे तसेच जत्रा यांना सशर्त परवानगी मिळते. मग कोकणात जाणाऱ्या गणेश भक्तांना का सक्ती? यासाठीच्या आंदोलनात लोहमार्ग पोलीस, रेल्वे सुरक्षा बल ठाणे यांच्या कडक फौजफाटा आणि बंदोबस्तात करण्यात आला होता.

यावेळी अधिकाऱ्यांशीही रितसर चर्चा ही करण्यात आली. त्यांच्या चर्चेनुसार संघटनेचे निवेदन आम्ही वरिष्ठांपर्यंत पोहचवू आणि आपणांस कळवू असे सांगण्यात आले. कोकणातील सर्व राजकीय पक्ष फक्त मतदानासाठीच? या अनुत्तरित प्रश्नावर न्याय मिळण्यासाठी खालील सदस्य आवर्जून उपस्थित होते. तसेच अधिकारी यांची ही उपस्थिती होती. श्री. नंदकुमार खडकीकर वरिष्ठ पोलीस निरीक्षक, श्री. संदीप बागुळ – पोलीस निरीक्षक, श्री. अविनाश आंधळे – प्रशासन अधिकारी, श्री. हरीदाष डोळे – सहाय्यक पोलीस निरीक्षक, श्री. ए. बी. भगत – पोलीस उप निरीक्षक, श्री. एस. आर. देसाई – पोलीस उप निरीक्षक. श्री. आर. सिंग – वरिष्ठ पोलीस निरीक्षक_ रेल सुरक्षा बल, श्री. दुर्गेश बागल – गुप्तचर विभाग आर पी एफ कल्याण. संघटनेचे पदाधिकारी आणि सभासद श्री. राजू कांबळे- प्रमुख सल्लागार, श्री. सुजीत लोंढे- अध्यक्ष, दर्शन कासले, परेश गुरव- सचिव, संभाजी ताम्हणकर- खजिनदार, महेश आचरेकर, रविंद्र बद्रिके, तुषार साळवी- सल्लागार, दर्शन शेट्ये- सभासद प्रमुख, किशोर साळुंखे, नामदेव चव्हाण, विजय जगताप, दिपक लिंगावले, महेश माळी, विजय चव्हाण, अनंत लोके आदि चे सहकार्य लाभत संघटनेने आंदोलन शांततेत पार पाडले.

Leave a Reply