🛑 गणेश चतुर्थी काळात वीज पुरवठा अखंडित सुरू रहावा..

🛑 गणेश चतुर्थी काळात वीज जोडणी कापण्याची कारवाई थांबवण्यात यावी..

🛑 मनसेचे विद्युत वीज वितरणचे उपअभियंता यांच्याकडे निवेदनाद्वारे मागणी..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : प्रशांत मोरजकर

🎴सावंतवाडी, दि-०६ :- गणेश चतुर्थीच्या काळात तालुक्यातील वीज पुरवठा खंडीत होऊ नये याची खबरदारी घ्यावी.अनेक ग्राहकांचे थकीत वीज बिल भरले नसल्याने वीज जोडणी कापण्याची कारवाई आपण करत आहात. ती त्वरित थांबवावी. गणेश उत्सव मोठ्या उत्साहाने साजरा होत असल्याने व कोरोना काळात लोकांचे झालेले आर्थिक हाल पाहता वीजबिल भरण्यासाठी गणेश चतुर्थी काळात ग्राहकांवर दबाव आणु नये अशी मागणी सावंतवाडी महाराष्ट्र नवनिर्माण सेनेच्या वतीने करण्यात आली आहे.

सावंतवाडी तालुक्यातील तसेच गावपातळीवरील विद्युत पुरवठा हा पूर्णत: अनियमित असून विजेचा खेळखंडोबा झाला आहे त्यावर विद्युत वीज वितरणाच्या अधिकार्‍यांनी त्वरित लक्ष देणे गरजेचे आहे त्याच प्रमाणे तालुक्यातील बऱ्याच ठिकाणी विद्युत पुरवठा केबल लगत असलेली झाडे वाढलेली असून त्यामुळे विद्युत पुरवठा खंडित होतो व त्यामुळे ग्राहकांना नाहक त्रासाला सामोरे जावे लागते. अवघ्या काही दिवसांवर येणारा गणेशोत्सव हा सण मोठ्या प्रमाणावर साजरा होतो. सध्या गणेश मूर्ती शाळांमध्ये गणेश मुर्त्या बनविण्याची लगबग रात्रंदिवस सुरू असताना वीज पुरवठा खंडित होऊन व कमी होल्टेज होत असल्याने वीज कमी दाब स्वरूपात चालते या सगळ्याचा गणेश मूर्ती शाळांना मोठ्या प्रमाणात फटका बसतो विद्युत पुरवठा सुरळीत ठेवण्याकरिता संबंधित कर्मचार्‍यांना योग्य त्या सुचना द्याव्यात.आवश्यक ठिकाणी अधिक कर्मचारी तैनात ठेवावेत अशी मागणी मनसेच्या वतिने करण्यात आली आहे.

तसेच संपूर्ण तालुक्यातील विद्युत यंत्रणेची पाहणी करून योग्य ती उपाययोजना करावी तरी वरील सर्व बाबी लक्षात घेत सर्व कामे गणेश चतुर्थीपूर्वी व्यवस्थित करून घ्यावी व गणेश चतुर्थीच्या काळात वीज पुरवठा अखंडित सुरू राहील याची खबरदारी घ्यावी अशी विनंती मनेसे तर्फे करण्यात आली आहे.

यावेळी महाराष्ट्र नवनिर्माण सेनेचे सावंतवाडी शहराध्यक्ष आशिष सुभेदार,तालुका सचिव विठ्ठल गावडे, उपशहर अध्यक्ष शुभम सावंत, लक्ष्मीकांत हरमलकर ,ऋग्वेद सावंत, अभय देसाई ,गौरव मुणंणकर ,गोविंदा मोरये ,धनंजय पाटकर आदी उपस्थित होते.