🛑 धर्मरक्षणासाठी साधनेचे पाठबळ आवश्यक ; सदगुरु सत्यवान कदम

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ ब्युरो न्यूज : कोकण लाईव्ह ब्रेकिंग

🎴सिंधुदुर्ग, दि-२७ :- आपत्काळात तरून जाण्यासाठी ईश्वराचे भक्त होणे अत्यंत आवश्यक आहे. वादळ, कोरोना महामारी, जागतिक स्तरावरील युद्धजन्य स्थिती ही सर्व आपत्काळची लक्षणे आहेत. मात्र साधना करणाऱ्याच्या पाठीशी भगवंत उभा असतो. त्यामुळे आपण साधना करून भगवंताचे भक्त बनुया, असे अनमोल मार्गदर्शन सनातन संस्थेचे धर्मप्रचारक सदगुरु सत्यवान कदम यांनी सिंधुदुर्ग येथील युवकांना आयोजित केलेल्या ऑनलाईन साधना सत्संगामध्ये केले.

सत्संगाची सुरुवात शंखनादाने आणि भगवान श्रीकृष्णाच्या श्लोकाने करण्यात आली. सुरुवातीला शौर्य जागृती वर्गामध्ये सहभागी झाल्यामुळे आपल्यामध्ये कशाप्रकारे आत्मविश्वास निर्माण झाला, आपल्याला काय शिकायला मिळाले याविषयी उपस्थितांनी मनोगत व्यक्त केले. आपत्काळात आत्मबळ वाढविण्यासाठी काय प्रयत्न करायला पाहिजेत याविषयी उपस्थित युवक आणि युवतींना सद्गुरूंनी मार्गदर्शन केले. सध्याचा काळ हा परिवर्तनाचा काळ आहे. समाज धर्माचरण करत नसल्याने हा नैसर्गिक आणि मानवनिर्मित आपत्काळ ओढवलेला आहे. अशा या काळात स्थिर राहण्यासाठी मनोबल आणि आत्मबळ वाढवणे अत्यंत आवश्यक आहे. हे आत्मबळ कुठेही विकत घेता येत नाही. त्यासाठी साधना करणे हाच एकमेव पर्याय आहे. सध्या सुरू असलेल्या कलियुगामध्ये नामस्मरण ही साधना आहे. नामजपामुळे नकारात्मक अनिष्ट शक्तींपासून आपले रक्षण होते. अशाप्रकारे उपस्थित युवक आणि युवतींना महत्त्वपूर्ण असे मार्गदर्शन या सत्संगाच्या माध्यमातून मिळाले.

कुलदेवतेचा नामजप, काळानुसार आवश्यक नामजप, प्रतिकारक्षमता वाढवणारा नामजप, गुरुमंत्राचा जप अशा विविध नामजपाचे महत्व काय आहे हे सदगुरू सत्यवान कदम यांनी सांगितले. त्याचप्रमाणे आपल्या हिंदू धर्माचं महत्व आपण लक्षात घेतलं पाहिजे. जन्ममृत्यूच्या फेऱ्यातून मुक्त करणारा हिंदू धर्म आहे. धर्माचे श्रेष्ठत्व कळल्यावरच आपल्याकडून राष्ट्र आणि धर्मासाठी खऱ्या अर्थाने प्रयत्न होणार आहेत. अशाप्रकारे सदगुरु सत्यवान कदम यांनी उपस्थित युवक आणि युवतींना साधना, राष्ट्र आणि धर्म या विषयी अत्यंत अनमोल असे मार्गदर्शन केले.

कार्यक्रमाचे सूत्रसंचालन कु. पूजा धुरी यांनी केले. अंतिम सत्रात नामजप, साधना या विषयी असलेल्या शंकांचे निरसन उपस्थितांनी करून घेतले.

*आपला नम्र,*

श्री. संदेश गावडे,

जिल्हा समन्वयक,

हिंदु जनजागृती समिती,

सिंधुदुर्ग