🛑 दहीहंडी सणावर बंदी घालण्याचा सरकारच्या निर्णयामुळे उमटणाऱ्या तीव्र भावना व उद्रेकापासून जनतेचे लक्ष विचलित करण्यासाठीच सत्ताधारी सेना राज्यातील कायदा सुव्यवस्था बिघडवतेय..

August 24, 2021 Pratik Rane

🛑 आमचा महाराष्ट्र सैनिक काल रस्त्यावर उतरला होता तो सर्वसामान्य जनतेच्या प्रश्नांसाठी..कुरघोडीच्या राड्यासाठी नाही..

🛑 “त्या” वक्तव्याचे समर्थन नाही मात्र त्यानंतर राज्यातील वातावरण बिघडवण्याचा प्रकार निषेधार्ह..मनसेची संतप्त प्रतिक्रिया..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : सूनील अचारेकर

🎴कुडाळ, दि-२४ :- “भले तर देऊ कासेची लंगोटी..नाठाळाच्या माथी हाणू काठी” अशी कार्यपध्दती आता खरी जनतेने अंमलात आणण्याची गरज आहे.आपापसातील कुरघोडीच्या राजकारणातून राडे संस्कृती पुढे आणणारे या महाराष्ट्राला नेमकी काय दिशा देणार आहेत याचा आता जनतेनेच विचार करावा अशी वेळ आलेली आहे.”कानाखाली” नंतर घडलेली महाराष्ट्रातील आजची परिस्थिती राजकीय प्रगल्भता कशी खालच्या पातळीवर चालली आहे याची प्रचिती देते.एकूणच राज्यात चाललेला प्रकार छत्रपती शिवाजी महाराज,शाहू,फुले,आंबेडकर यांच्या पुरोगामी महाराष्ट्राला भूषणावह नक्कीच नाही.

काल परवा दहीहंडी सणावर बंदी घालून राज्यातील सत्ताधारी सेनेने हिंदू सणांच्या बाबतीतील आपला द्वेष उघड केला.एकीकडे “मोहरम” सणाला नियमावली व मार्गदर्शक सूचना देवून साजरा करण्याची परवानगी देणारे राज्य सरकार हिंदूंच्या “दहिहंडी” वर बंदी आणते हे दुर्दैवी आहे.या बाबतीत जनतेच्या भावना तीव्र असून त्याचे पडसाद राज्यात उमटू नये यासाठी जनतेचे लक्ष विचलित व्हावे म्हणूनच “कानाखालचे” राजकारण समोर आणून सत्ताधारी शिवसेना कायदा सुव्यवस्था बिघडवण्याचे षडयंत्र रचत आहे अशी चर्चा आहे.महागाई,बेरोजगारी,इंधन दरवाढ,घरगुती गॅसच्या वाढलेल्या किंमती अशा अनेक समस्यानी जनता होरपळत असताना आपापसातील कुरघोडी समोर आणून वातावरण गढूळ करण्याचा प्रकार निषेधार्ह आहे.एकीकडे जिल्ह्यातील राज ठाकरेंचा महाराष्ट्र सैनिक जनतेच्या प्रश्नांसाठी रस्त्यावर उतरतो तेव्हा सत्ताधारी गुन्हे दाखल करण्यास पोलिसांवर दबाव आणतात तर दुसरीकडे “प्रतिकात्मक पुतळे जाळणे” यासारखे प्रकार करून जिल्ह्यातील वातावरण दूषित होऊन “राडेबाजी” घडू शकते अशा सेनेच्या कार्यकर्त्यांच्या कृतीवर दुर्लक्ष केलं जातं याची दखल जनतेनेच घेण्याची गरज आहे.त्यामुळे यापुढील काळात जनतेने प्रामाणिकपणे जनसेवा करणाऱ्या मनसेच्या महाराष्ट्र सैनिकांना संधी देणे काळाची गरज असल्याची प्रतिक्रिया मनसेचे कुडाळ तालुकाध्यक्ष प्रसाद गावडे यांनी माध्यमांशी बोलताना दिली आहे.

Leave a Reply