🛑 गणेशोत्सवापुर्वी रस्त्यांवरील खड्डे बुजवणे व रस्त्यांवरील दुतर्फा झाडे-झुडपे तोडण्याबाबत मनसेचे सार्वजनिक बांधकाम विभागाला निवेदन..

🛑 ३१ तारीख पुर्वी रस्त्यांवरील खड्डे बुजविले न गेल्यास दोडामार्ग मनसेतर्फे करण्यात येईल भीकमांगो आंदोलन व जमलेले पैसे करण्यात येतिल शासनाकडे सुपूर्द ; मनसे दोडामार्ग तालुका अध्यक्ष सुनील गवस

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : प्रतिक राणे

🎴सिंधुदुर्ग, दि-२४ :- गणेशोत्सव जवळ आलेला असताना देखील दोडामार्ग तालुक्यात रस्त्यांची दुरवस्था आहे.तोक्ते चक्रीवादळानंतर अनेक ठिकाणची रस्त्यांवरील धोकादायक झाडे-झुडपे अजुनही तोडण्यात आलेली नाहीत. दोडामार्ग -तिराळी- विजघर, दोडामार्ग-कळणे-बांदा तसेच तालुक्यातील अन्य रस्त्यांची तर खड्ड्यांमुळे दयनीय अवस्था झाली आहे. येत्या ३१ तारखेपुर्वी रस्त्यांवरील खड्डे बुजविले न गेल्यास दोडामार्ग मनसेतर्फे भीकमांगो आंदोलन करण्यात येईल व ३सप्टेंबरला जमा झालेले पैसे सार्वजनिक बांधकाम विभागच्या कार्यालयात शासनाकडे देण्यासाठी सुपूर्द केले जातील असे सार्वजनिक बांधकाम विभागाला दिलेल्या दिवेदनात मनसेने म्हटले आहे.

गणेशोत्सवाला येत्या १० सप्टेंबर पासून सुरवात होत आहे.त्यामुळे जिल्ह्यात मोठ्या प्रमाणावर चाकरमानी गावी दाखल होणार आहेत.वाहनांची वर्दळ वाढणार आहे. तालुक्यातील सार्वजनिक बांधकाम विभागाच्या अखत्यारीत येत असलेल्या रस्त्यांची मोठ्या प्रमाणावर दुर्दशा झाली आहे. ठिकठिकाणी खड्डे पडून रस्त्याची चाळण झाली आहे.रस्त्याला पडलेल्या खड्डयांमुळे अनेक ठिकाणी अपघात होत आहेत.वाहनांचे नुकसान होत आहे.गेली सात वर्षे मनसे सातत्याने रस्त्यांवरील खड्यांविरोधात आवाज  उठवत आहे. तालुक्यातील सार्व.बांधकामच्या अखत्यारीत येणाऱ्या रस्त्यांना लाल दगड न वापरता पावसाळी डांबर व रोलर वापरून ते वाहतुकीसाठी सुरक्षित करावेत.तसेच रस्त्याच्या दुतर्फा असलेली झाडे वाहतुकीसाठी अडचणीची ठरत असल्याने वाहनांना त्रासदायक ठरणारी दोन्ही बाजूची झाडी तोडण्यात यावी अश्या मागण्यांचे निवेदन महाराष्ट्र नवनिर्माण सेने मार्फत सार्वजनिक बांधकाम विभागाला देण्यात आले.

यावेळी महाराष्ट्र नवनिर्माण सेनेचे तालुका अध्यक्ष सुनिल गवस, उपतालुका अध्यक्ष संदिप गवस , विद्यार्थी सेना तालुका अध्यक्ष अक्षय कुबल, विद्यार्थी सेना शहर अध्यक्ष सौरव नाईक आदि उपस्थित होते.