🛑 युवा रक्तदाता संघटनेचा माध्यमातून इशारा देताच प्रशासन खडबडून जाग..

August 14, 2021 Pratik Rane

🛑 सावंतवाडी उपजिल्हा रुग्णालयातील रक्तपेढीत झाली होती दुरावस्था निर्माण..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : प्रशांत मोरजकर

🎴सावंतवाडी, दि-१४ :- कोरोनामुळे तालुक्यात रक्ताचा तुटवडा निर्माण होत आहे. मात्र, सार्वजनिक बांधकाम विभाग, सार्वजनिक बांधकाम विद्युत विभाग सिंधुदुर्ग आणि वैद्यकीय प्रशासनाच्या बेफिकीर कारभारामुळे सावंतवाडी उपजिल्हा रुग्णालयातील रक्तपेढीत दुरावस्था निर्माण झाल्या होत्या. यामुळे रुग्णांच्या नातेवाईकांसह रक्तदात्यांना देखील नाहक मनस्ताप सहन करावा लागत होता. रक्तपेढीत ४ वर्षांपूर्वी लावलेले एसी ३ महिन्यातच बंद पडले होते. तर ब्लड स्टोअर रूमचे दरवाजे, खिडक्या नादुरुस्त होऊन ‘ब्लड डोनेट’ रूमचा एक दरवाजाच गायब होता. रक्तपेढीतील या रूममध्ये वातानुकूलित वातावरण असण आवश्यक असताना प्रशासनाच्या नाकर्तेपणामुळे ब्लड डोनेट रूम, रक्त तपासणी लॅब, ब्लड स्टोरेज रूममध्ये गरमीच वातावरण होत. यामुळे रक्तदान करत असताना रक्तदानत्यांना चक्कर येणे, अस्वस्थ वाटणे असे प्रकार घडत होते. रक्तपेढीत ज्या ठिकाणी रक्ताचा साठा केला जातो, त्या ठिकाणचाही एसी कुलींग देत नसल्यानं ब्लड स्टोरेज करण्याचा ३ मशीन बंद ठेवण्याची नामुष्की येथील कर्मचाऱ्यांवर ओढावली होती. यामुळे या रूमचे दरवाजे, खिडक्या उघड्या ठेवाव्या लागत होत्या. रक्ताची गरज तातडीनं भासत असताना या गैरसोयींमुळे रक्तपेढीत अनेक समस्यांना सामोरे जावे लागत होत. युवा रक्तदाता संघटनेचा माध्यमातून इशारा देताच प्रशासन खडबडून जाग झालं. त्यामुळे तब्बल ३ वर्ष जे होऊ शकलं नाही, ते आता होताना दिसत आहे. संघटनेन सार्वजनिक बांधकाम विद्युत विभाग सिंधुदुर्ग, सार्वजनिक बांधकाम विभाग सावंतवाडी यांना पत्रव्यवहार करून देखील होत असलेल्या दिरंगाईबाबत जिल्हा प्रशासनाच लक्ष वेधल होत. यानंतर सार्वजनिक बांधकाम आणि विद्युत विभागाची यंत्रणा लागलीच कामाला लागली होती. दुसऱ्या दिवशी सकाळीच संबंधित प्रशासनानं घटनास्थळी जात आढावा घेतला. एसी दुरुस्तीसह अन्य कामांना देखील लागलीच सुरवात केली आहे.

कोरोनामुळे रक्ताचा तुटवडा निर्माण होत असून दिवसाला १० ते १२ रक्तदाते रक्तपेढीत रक्तदान करत आहेत. मात्र, बंद अवस्थेत असणारी एसी आणि झालेली दुरावस्था यामुळे रक्तदात्यांची प्रकृती अस्वस्थ होऊन त्यामुळे नाहक मनस्ताप सहन करावा लागत आहे. येत्या १५ ऑगस्टचा आत एसी, दरवाजांची दुरूस्ती न झाल्यास, परिस्थिती न बदलल्यास ध्वजारोहणानंतर सार्वजनिक बांधकामच्या संबंधित अधिकाऱ्यांना जाग्यावरून हलू देणार नाही असा इशारा युवा रक्तदाता संघटनेचे अध्यक्ष देव्या सुर्याजी, माजी शिक्षण व आरोग्य सभापती मंगेश तळवणेकर यांनी दिला होता. त्यांचा इशाऱ्यानंतर प्रशासनाला जाग आली.

ना दुरुस्त असणारा एसी सुरू झाल्यानं ब्लड स्टोरेज रूममधील बंद ठेवण्यात आलेल्या मशिनरीच पुन्हा कार्यान्वित करण्यात आल्या आहेत. यामुळे रूग्णांची गैरसोय दुर होणार असून उपजिल्हा रुग्णालय प्रशासनाला सामोर जावं लागणारा मनस्ताप देखील टळणार आहे. ३ वर्ष सतत पाठपुरावा करून देखील काम होत नव्हत, परंतु ते काम आता होत आहे. एसीच काम पुर्ण झाल असून डायलिसिस रुम, दरवाजाच काम देखील अंतिम टप्प्यात आल आहे. यासाठी युवा रक्तदाता संघटना व देव्या सुर्याजी यांचे वैद्यकीय अधिक्षक डॉ. उत्तम पाटील, ब्लड बँक कर्मचाऱ्यांनी आभार मानले आहेत.

Leave a Reply