🛑 परमनंट वायरमन मिळावा यासाठी माडखोल येथील 15 ऑगस्ट रोजी होणारे आंदोलन स्थगित..

*🎥 कोकण लाईव्ह ब्रेकिंग न्यूज*

_अचूक बातमी थेट हल्ला_

*✍️ प्रतिनिधी : प्रभाकर गावडे*

*🎴सावंतवाडी,दि-१३ :-* माडखोल येथील 15 ऑगस्ट रोजी होणारे आंदोलन स्थगित करण्यात आले. माडखोल येथील ग्रामस्थ युवा सामाजिक कार्यकर्ते लखन आडेलकर व स्वप्निल लातये यांनी 15 ऑगस्ट 2021 रोजी गावासाठी कायमस्वरूपी परमनंट वायरमन ची मागणी करून पोलवर चढून आंदोलन करण्याचा इशारा सावंतवाडी महावितरण उप अभियंता एस. एस. भुरे यांना देण्यात आला होता. याची तात्काळ दखल घेत उपअभियंता एस. एस.भुरे यांनी सावंतवाडी महावितरण यांच्या दालनात झालेल्या बैठकीत माडखोल चे विद्यमान सरपंच संजय शिरसाट ,उपसरपंच शिवाजी परब, माजी सरपंच राजन राऊळ, माजी उपसरपंच सुरेश आडेलकर, माजी ग्रामपंचायत सदस्य प्रकाश नाईक, आंदोलनकरर्ते लखन आडेलकर व स्वप्नील लातये यांच्याशी सकारात्मक चर्चा करून मुख्य तंत्रज्ञ सुधाकर नवसाजी जाधव यांची नेमणूक करण्यात आली. त्यामुळे 15 ऑगस्ट रोजी पोल वर चढून होणारे आंदोलन स्थगित करण्यात आले अशी माहिती लखन आडेलकर यांनी कोकण लाईव्ह ब्रेकिंग शी बोलताना दिली.