🛑 मनसेचे १५ ऑगस्ट रोजी होणारे घंटानाद आंदोलन स्थगित ; मनसे तालुका उपाध्यक्ष संदीप गवस

🛑 तहसीलदारांनी स्वतः जातीनिशी लक्ष घालून केले तक्रारीचे निवारण..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : प्रतिक राणे

🎴दोडामार्ग, दि-१३ :- दोडामार्ग तालुक्यातील काही गावात वर्षानुवर्षे ज्याची शिधा पत्रिका आहे. ज्या शिधापत्रिकाधारकांचे वय सत्तरीच्या बाहेर आहे त्यांची शिधापत्रिका ऑनलाइन नसल्याचे तसेच अन्नसुरक्षा यादित नावं नसल्याचे पुरवठा विभागाकडून सांगण्यात येते होते नक्की हा गोलमाल काय? असा प्रश्न निर्माण होत होता. यासाठी वंचित वयस्कर शिधापत्रिकाधारकांना घेऊन १५ ऑगस्ट २०२१ रोजी पुरवठा विभागाच्या निषेधार्थ व पुरवठा विभागाच्या म्हणण्याप्रमाणे राज्य सरकारच्या निषेधार्थ तहसीलदार कार्यालया समोर देशाच्या तिरंग्या समोरच त्या वृद्ध शिधापत्रिका धारकांना घेऊन महाराष्ट्र नवनिर्माण सेना घंटानाद आंदोलन करणार असल्याचे निवेदन महाराष्ट्र नवनिर्माण सेनेचे दोडामार्ग उप तालुका अध्यक्ष संदीप गवस यांनी तहसीलदारांना दिले होते.

मात्र आता १५ ऑगस्ट रोजी होणारे मनसेचे घंटानाद आंदोलन स्थगित करण्यात आल्याचे मनसे तालुका उपाध्यक्ष संदीप गवस यांनी सांगितले आहे. मा.तहसीलदार खानोलकर साहेब यांनी स्वतःजातीनिशी या विषयात लक्ष घालून या तक्रारीचे निवारण केले आहे.अन्नपूर्णा लुमाजी गवस, नामदेव कृष्णा गवस, मनोहर नागेश गवस, पदमशली प्रभाकर गवस या सर्व मांगेली येथील ग्रामस्थांची ऑनलाइन नसलेली रेशन कार्ड चालू करण्यात आली आहेत.

महाराष्ट्र नवनिर्माण सेनेने या जनतेच्या भावना समजून घेतल्याबद्दल नागरिकांनी त्यांचे आभार मानले.त्यावेळी मनसे सदैव जनतेच्या पाठीशी आहे असे संदीप गवस यांनी सांगितले आहे.