🛑 राजापूर शहरातील दिवाणी न्यायालयासमोरच्या दुकानाला लागली भीषण आग..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : अद्वैत अभ्यंकर

🎴राजापूर, दि- ०९ :- राजापूर शहरातील मुख्य रस्त्यावर राजापूर दिवाणी न्यायालयासमोर असलेल्या “नरेंद्र इन्फोटेक” या दुकानाला अचानक आग लागून मोठे नुकसान झाले आहे. आज रात्री पावणे नऊच्या सुमारास ही घटना घडली आहे. शॉर्ट सर्कीटने आग लागल्याचा प्राथमिक अंदाज आहे.

शहरातील तरुण व्यावसायिक नरेंद्र पावसकर यांचे हे दुकान असून सर्व प्रकारच्या संगणकीय सेवा व साहित्य या दुकानात उपलब्ध असते. आगीत संपूर्ण दुकान जळून खाक झाले असून नरेंद्र पावसकर यांचे मोठ्या प्रमाणात नुकसान झाले आहे. आग लागल्याचे कळताच अनेकांनी घटनास्थळी धाव घेत आग आटोक्यात आणण्यासाठी प्रयत्न केले.

दुर्दैवाची बाब अशी आहे की राजापूर नगर परिषदेचा मोठा अग्निशामक बंब चिपळूण येथे असल्याने व लहान अग्निशामक बंब नादुरुस्त असल्याने उपलब्ध होऊ शकले नाहीत. मुख्याधिकारी यांनी कणकवली नगर पंचायतीचा अग्निशामक बंब मागवला असून तो लवकरच पोहोचेल अशी माहिती दिली.