🛑 गुरूपौर्णिमेनिमित्त रोटरी क्लब सिंधुदुर्ग सेंट्रल तर्फे जेष्ठ गुरूजनांचा सत्कार..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : सुनील आचरेकर

🎴कसाल, दि-२६ :- गुरुपौर्णिमेचे औचित्य साधून कुडाळ तालुक्यातील कसाल येथील निवृत्त शिक्षक, ज्यांनी तीन दशकांपेक्षा जास्त वर्ष नवीन पिढी घडवण्यात घालविली,तसेच निवृत्तीनंतरही आदर्शवत काम करत आहेत अशा व्यक्तींचा रोटरी क्लब ऑफ सिंधुदुर्ग सेंट्रल तर्फे कसाल हायस्कूल मध्ये करण्यात आला.

यावेळी व्यासपीठावर अध्यक्ष रो.डाॅ.प्रशांत कोलते,रो.शंकरराव कोकितकर व मुख्याध्यापक कुसगावकर उपस्थित होते.

यावेळी बोलताना डॉ.कोलते म्हणाले,गुरू आणि शिष्य यांचं नात एक चांगली संस्कारक्षम पिढी घडवण्यासाठी कारणीभूत असतं आणि या डिजीटल युगात शिक्षकांचं स्थान पुन्हा एकदा अधोरेखित झाले आहे. जेष्ठ शिक्षक मधुकर राणे,रघुनाथ बाणे, तुकाराम साळुंखे व प्रकाश नारकर यांचा शाल,श्रीफळ आणि रोटरी चतुसुत्री असलेली फ्रेम देऊन आदर-सन्मान करण्यात आला.

जेष्ठ निवृत्त शिक्षक रो.शंकरराव कोकितकर यांच्या हस्ते गौरविण्यात आले.सत्कारमूर्तींनी शिक्षणपद्धतीत झालेले बदल तसेच अनुभव कथन केले.मुख्याध्यापक श्री कुसगावकर यांनी रोटरीच्या उपक्रमांचे कौतुक केले. रो.कोकीतकर म्हणाले गुरू तुम्हाला योग्य दिशा दाखवतो,ज्ञान तुम्हालाच आत्मसात करावयाचे आहे.असे उपक्रम दरवर्षी रोटरी तर्फे घेवू असा विश्वास त्यांनी व्यक्त केला.

यावेळी रो.रामचंद्र घोगळे,रो.रविकमल डांगी,व्यंकटेश मानसपुरे, सौ .कोकितकर उपस्थित होते.

आभारप्रदर्शन रो.अरूण मालणकर यांनी केले.