🛑 नाबर प्रशालेच्या विद्यार्थ्यांनी आषाढी एकादशी दिनी घरातूनच जपली आपली भारतीय संत परंपरा..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : शैलेश गवस

🎴बांदा, दि-२२ :- आपली भारतीय संस्कृती फार प्राचीन आहे .या संस्कृतीने आपल्याला अनेक मौलिक विचार, मोलाचे ज्ञान आणि उपदेश बहाल केलेले आहेत आणि हेच विचार एका पिढीकडून दुसऱ्या पिढीकडे सोपवणं आपलं आद्यकर्तव्य आहे ,हे जाणूनच व्ही. एन. नाबर मेमोरियल इंग्लिश मीडियम स्कूल बांदा या प्रशालेच्या विद्यार्थ्यांनी ‘जुनं ते सोनं ‘ ही परंपरा कायम राखत आज आषाढी एकादशी निमित्ताने घरातूनच थोर संतांच्या कार्याचा आढावा घेतला .

नाबर प्रशालेचे वैशिष्ट्य म्हणजे इंग्रजी माध्यमाची शाळा असूनही आपले संस्कार आणि संस्कृती ही शाळा नेहमीच विविध कार्यक्रमांच्या मार्फत जपत आलेली आहे .आषाढी एकादशी चा कार्यक्रम हा त्यातीलच एक भाग. दरवर्षी या दिवशी हे नाबर प्रशालेचे विद्यार्थी बांदा वासियांना विठ्ठल रखुमाई आणि अन्य संतांचे दर्शन

घडवून आणत असतात, परंतु करोना च्या महामारी मुळे या वर्षी हा कार्यक्रम करणे शक्य नसला तरीही घरातूनच हा कार्यक्रम विद्यार्थ्यांच्या मार्फत ऑनलाईन पद्धतीने साजरा करण्यात आला. यावेळी मुलांनी आपल्या आवडत्या संतांच्या विविध वेशभूषा सादर केल्या, त्यांच्या कार्याविषयी चा आढावा आपल्या कथांतून, भाषणातून अभंग आणि कीर्तनातून घेतला या कार्यक्रमात विद्यार्थी मोठ्या उत्साहाने सहभागी झाले.