🛑 शिवसेना – भाजपचा आमने – सामने हा एकप्रकारे जनतेची दिशाभुल करणारा राजकीय स्टंट ; मनसे तालुका अध्यक्ष सुनील गवस यांचा आरोप

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : प्रतिक राणे

🎴दोडामार्ग, दि-१९ :- शिवसेना-भाजप हे एकेकाळी एकमेकांचे जिवलग. आजपर्यंतच्या सर्व निवडणुका एकत्र लढवल्या. पण सत्तेच्या स्वार्थापायी भाजपची राष्ट्रवादी पक्षा सोबतची पहाटेची युती, आणि लगेचच सत्तेसाठी शिवसेनेने काँग्रेस-राष्ट्रवादी सोबत केलेली अभद्र युती. त्यामुळे सर्व राज्यातील जनता ह्यांना पूर्णपणे ओळखून आहे.

सिंधुदुर्गातील एका व्यासपीठावर शिवसेनेचे खासदार विनायक राऊत आमदार नितेश राणेंची पाठ थोपाटतात व निलेश राणे आपले मित्र असल्याचे सांगतात. मग हे आरोप प्रत्यारोप कशी साठी.आजचा युवावर्ग हा इंटरनेट च्या माध्यमातून सर्व घटनांचा मोजमाप करत असतो. तसेच आता जनता पूर्णपणे सुज्ञ आहे. ह्या दोन्ही पक्षांची श्रेयवादाची पोकळ लढाई चालली आहे हे सर्वजण ओळखून आहेत.

केंद्रात भाजप आणि राज्यात शिवसेना मित्र पक्ष असताना खरंतर तुम्ही विकासाची गंगा वाहिली पाहिजे ते सोडून एकमेकावर आरोप प्रत्यारोप करून जनतेची दिशाभूल करण्यात दोन्ही पक्ष मग्न आहेत.

खरच आज देशाची व महाराष्ट्र राज्याची ह्या दोन्ही पक्षांनी वाट लावून टाकली आहे. पेट्रोल-डिझेल चे दर शंभरी पर्यंत पोचले.स्वयंपाक गॅस चे दर हजाराच्या आसपास येऊन ठेपले. केंद्र सरकारने गोरगरिबांचे जीवन जगणे नको करून ठेवले. आज लोकांना “अच्छे दिन” काय असतात ते कळून चुकले.

इकडे ठाकरे सरकारने राज्याची वाट लावून ठेवली. कुचकामी आरोग्य यंत्रणा, भरमसाठ विजबिले, रस्त्यांची दुरवस्था, पाण्याचा प्रश्न, पूरस्थिती, जनतेच्या मूलभूत गरजा, वाढती महागाई ह्यामुळे जनता पूर्णपणे कंटाळली आहे.

आज दोडामार्ग तालुक्यातील जनतेमध्ये संभ्रम निर्माण झाला आहे. आजपर्यंत ज्यांच्यावर्ती विश्वास ठेवुन उमेद्वार निवडुन दिले. तेच आज सत्तेच्या स्वार्थासाठी बदलले व इतर पक्षात गेले. आज त्यांना विचारलं निवडणुकीत तुझं निवडणूक चिन्ह काय होत? आणि आता तू कुठल्या पक्षात आहेस? तर काय उत्तर देतील म्हणे दोडामार्ग तालुक्याच्या विकासाठी पक्ष बदलत आहे.

ही ह्यांची नौटंकि जनतेला आता समजली आहे.

त्यामुळे दोडामार्ग तालुक्यात सत्तास्थाने असलेल्या दोन्ही पक्ष्यांच्या नेत्यांना माहिती आहे की आता विकास आपल्याकडे होणार नाही.निवडणुका जवळ आलेल्या आहेत. आता सुज्ञ जनतेने आपला डाव ओळखला आहे. त्यामुळे आपल्या कार्यकर्त्या करवी ते भर चौकात आमनेसामने येऊन प्रसिद्धी मिळवत आहेत.

परंतु सुज्ञ जनता राज साहेब ठाकरे ह्यांच नेतृत्व लाभलेल्या महाराष्ट्र नवनिर्माण सेना ह्या पक्षाकडे मोठया आशेने पर्याय म्हणून पाहत आहे. असे महाराष्ट्र नवनिर्माण सेनेचे दोडामार्ग तालुका अध्यक्ष सुनील गवस यांनी प्रसिद्धी पत्रकाद्वारे सांगितले आहे.