🛑 आमदार डॉ. राजन साळवी यांनी शिवसेना राजापूर तालुक्याच्या वतीने केला कोविड योध्यांचा सत्कार..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : अव्दैत अभ्यंकर

🎴राजापूर, दि-१८ :- राजापूर-लांजा-साखरपा विधानसभा मतदार संघाचे आमदार डॉ. राजन साळवी यांनी शिवसेना राजापूर तालुक्याच्या वतीने प्राथमिक आरोग्य केंद्र, ओणी व प्राथमिक आरोग्य केंद्र, रायपाटण तसेच उपजिल्हा रुग्णालय, रायपाटण, कोविड सेंटर, रायपाटण आणि डेडिकेटेड कोविड हॉस्पिटल ओणी येथील कोविड योध्यांचा सत्कार केला.

कोविड-१९ च्या प्रादुर्भाव काळात आपले सर्वस्व पणाला लावून काम करणाऱ्या आरोग्य विभागातील डॉक्टर, नर्सेस, वॉर्डबॉय, परिचारिका व इतर कर्मचारी यांचा सन्मान करणे हा एक सामाजिक उपक्रम म्हणून शिवसेना राजापूर तालुक्याच्या वतीने कोविड योद्ध्यांचा सन्मान करण्यात आला.

राजापूर- लांजा- साखरपा विधानसभा मतदारसंघाचे आमदार डॉ. राजन साळवी यांच्या प्रमुख उपस्थितीत झालेल्या या सन्मान सोहळ्याला राजापूर तालुका वैद्यकीय अधिकारी डॉ. निखिल परांजपे, राजापूर ग्रामीण रुग्णालय अधीक्षक डॉ. राम मेस्त्री, ओणी प्राथमिक आरोग्य केंद्राचे डॉ. स्वामी, डॉ. चव्हाण, डॉ. समाधान तसेच अधिकारी वर्ग व कर्मचारी वृंद इत्यादी मान्यवर उपस्थित होते.