🛑 मालवण तालुक्यात कसाल राठीवडे मार्गावर हिवाळे गावडे वाडी येथे मुख्य रस्त्यावर मोठे खड्डे पडल्याने वारंवार होत आहेत अपघात..

🎥 कोकण लाईव्ह ब्रेकिंग न्यूज
अचूक बातमी थेट हल्ला

✍️ प्रतिनिधी : सुनील आचरेकर

🎴सिंधुदूर्ग, दि-१५ :- मालवण तालुक्यातील कसाल-हिवाळे- राठीवडे मार्गाची खड्डे पडून दुर्दशा झाली आहे. पावसाळ्यात पाणी साचून या रस्त्यावर डबकी तयार झाली आहेत. त्यामुळे वाहनधारकांना या रस्त्यावरून जाताना मोठी कसरत करावी लागत आहे. हा रस्ता अपघातासाठी निमंत्रण ठरत आहे.
मालवण तालुक्यातील -कसाल,ओवळीये, हिवाळे,राठीवडे, रस्त्यावर अनेक ठिकाणी पाणी साचून डबकी तयार झाली आहेत, मालवण येथील सार्वजनिक बांधकाम विभागाच्या अधिकारी ,कर्मचारी वर्गाला अनेक वेळा ग्रामस्थांनी या बाबत निवेदने,प्रत्यक्ष भेट देत या रस्त्याबाबत कळविले आहे. मात्र अधिकारी वर्गाने याकडे अक्षरशा दुर्लक्ष केल्याचा आरोप ग्रामस्थांचा होत आहे. या रस्त्यावर दोन वर्षापूर्वीच डांबरीकरण करण्यात आले असल्याचे ग्रामस्थांकडून सांगण्यात आहे.
हिवाळे -गावडेवाडी ,येथील गणेश मंदिर बस थांबा नजिकच्या रस्त्याच्या मधोमध लहान-मोठी पाण्याची डबकी साचली असून मोटरसायकल चालकांना या पाण्यातूनच गाड्या हाकात जीव मुठीत धरून प्रवास करावा लागत आहे. मोटरसायकल चालकांच्या पाठीमागे बसणाऱ्या प्रवासी महिला या डबक्यात पडल्याने अपघातही घडले आहेत.असेही यावेळी ग्रामस्थांनकडून सांगण्यात आहे. सार्वजनिक बांधकाम विभागाने लवकरात लवकर योग्य प्रकारे डागडुजी करावी अशी मागणी ग्रामस्थांकडून होत आहे.