🛑 चिपळूण काँग्रेस तालुकाध्यक्ष प्रशांत यादव यांच्या तर्फे लोटीस्मा वाचन मंदिरास राष्ट्रपिता महात्मा गांधी पूर्णाकृती पुतळा भेट..

🎥 कोकण लाईव्ह ब्रेकिंग न्यूज
अचूक बातमी थेट हल्ला

✍️ प्रतिनिधी : संतोष पिलके

🎴चिपळूण, दि-१३:- काँग्रेसचे तालुकाध्यक्ष प्रशांत यादव यांनी येथील लोकमान्य टिळक स्मारक वाचनालय मंदिरास राष्ट्रपिता महात्मा गांधी यांचा पूर्णाकृती पुतळा भेट म्हणून नुकताच दिला आहे. या पुतळ्याचे अनावरण २६ जुलै रोजी होणार आहे. काँग्रेसचे चिपळूण तालुकाध्यक्ष प्रशांत यादव यांनी कोरोना काळात कामथे रुग्णालयासह सर्वसामान्यांसाठी केलेली जनसेवा सर्वश्रूत आहे. मंगळवारी येथील लोकमान्य टिळक स्मारक वाचनालय मंदिरास भेट देताना या स्मारकासाठी राष्ट्रपिता महात्मा गांधी यांचा पूर्णाकृती पुतळा भेट स्वरुपात दिला आहे. या पुतळ्याचे अनावरण २६ रोजी होईल. यावेळी कार्याध्यक्ष प्रकाश देशपांडे, युवक काँग्रेसचे शहराध्यक्ष फैसल पिलपिले, उपाध्यक्ष मुन्ना दळी आदी उपस्थित होते.