🛑 बांदा सर्कल येथील ६०० मीटर लांबीच्या उड्डाणपुलाचा शुभारंभ..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : शैलेश गवस

🎴बांदा, दि-०७ :- महामार्गावर राष्ट्रीय महामार्ग विभागाने मंजूर केलेल्या बांदा शहरातील बांदा सर्कल येथील ६०० मीटर लांबीचे उड्डाणपूल शुभारंभ बुधवारी मोठ्या थाटात संपन्न झाला.या कामासाठी ८०कोटी रुपयांच्या अंतिम आराखड्याला मंजुरी देण्यात आली आहे.

याठिकाणी उड्डाणपुल व्हावा यासाठी वाफोली येथील सामाजिक कार्यकर्ते संजय आईर यांनी २६ जानेवारी २०१९ रोजी उपोषण करून राष्ट्रीय महामार्ग विभागाचे लक्ष वेधले होते. तब्बल दीड वर्षे आईर यांनी उड्डाणपूल होण्यासाठी केंद्र शासनापर्यंत सातत्याने पाठपुरावा करत अखेर उड्डाणपुलाला प्रत्यक्ष कामाला देखील सुरुवात करण्यात येणार आहे. राष्ट्रीय महामार्ग विभागाचे अधीक्षक अभियंता यांनी बांदा येथील उड्डाणपूल व भुयारी मार्गाचे रेखाचित्र व अंदाजपत्रक तयार केले आहे.

एकूण ६०० मीटर लांबीच्या उड्डाणपूलाचा आराखडा व रेखाचित्र तयार करण्यात आले आहे. यामध्ये मुख्य सर्कल येथे ३ बॉक्सवेलचा देखील समावेश असून बोरिंग मशीन बुधवारी सांयकाळी संजय आईर यांच्या हस्ते पुजन करुन उड्डाणपूल उभारण्यासाठी खांब टाकण्यात खांबांच्या उभारणीच्या कामाला सुरुवात करण्यात आली.

यावेळी उपोषणकर्ते संजय आईर, ग्रामपंचायत सदस्य साई काणेकर, राजेश विरनोडकर, उपतालुकप्रमुख भैय्या गोवेकर,अमित धुरी,गिरीश नाटेकर,बाबा सावळ,उदय येडवे,संदेश भोगले, दशक्रोशीतील ग्रामस्थ मोठ्या संख्येने उपस्थित होते. मंगळवारी दोन्ही ठिकाणी राष्ट्रीय महामार्ग विभागाचे उपअभियंता आय. एस. मणेर, सहाय्यक अभियंता दत्तात्रय जाधव, कनिष्ठ अभियंता गणेश महाजन यांनी भेट दिली. यावेळी खोदाई करून जमीन परीक्षण करणाऱ्या कंपनीच्या अधिकाऱ्यांना राष्ट्रीय महामार्ग विभागाकडून मार्गदर्शक सूचना देण्यात आल्या.

बांदा-सटमटवाडी येथील बॉक्सवेल साठी २० कोटी रुपयांच्या अंतिम आराखड्याला राष्ट्रीय रस्ते विकास महामंडळाने मंजुरी दिली आहे. याबाबत मुख्यमंत्री उद्धव ठाकरे यांनी महाराष्ट्र राज्य महामार्ग विभागाला पत्र देऊन तात्काळ कार्यवाही करण्याचे आदेश दिले होते.