🛑 आधुनिक तंत्रज्ञानाचा वापर करत करुणा सदन स्कूल मध्ये ऑनलाईन शिक्षण सुरु..

🛑 गुगल मीट द्वारे दररोज केले जाते प्रत्यक्ष अध्यापन..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : प्रतिक राणे

🎴दोडामार्ग, दि-०६ :- गेल्या दिड वर्षा पासून सगळीकडे शाळा बंद आहेत मात्र विद्यार्थ्यांचे कोणतेही शैक्षणिक नुकसान होवु नये यासाठी तंत्रज्ञानाचा योग्य तो वापर करत करुणा सदन स्कूलने २८ जून पासून गुगल मीट द्वारे ऑनलाईन शिक्षणाला सुरुवात केली आहे.

शिक्षणाच्या प्रवाहात आपल्या विद्यालयाची मुले कोणत्याही पातळीवर कमी पडू नयेत त्यांना शिक्षकांचे योग्य ते मार्गदर्शन मिळावे यासाठी ऑनलाईन शिक्षण प्रणालीचा वापर करुन अध्यापन केले जात आहे.यासाठी गुगल मीट या अँप चा वापर करुन ज्या प्रमाणे वर्गात अध्यापन केले जाते अगदी त्याचप्रमाणे शाळेतील शिक्षक मुलांना अध्यापन करत आहेत.असे शाळेच्या मुख्याध्यापिका सिस्टर विनयै यांनी सांगितले.

शाळेच्या नियमित वेळेप्रमाणे वेळापत्रक तयार करत त्या त्या वेळी प्रत्येक विषयाचे स्वतंत्रपणे अध्यापन केले जात आहे.विद्यार्थी आणि पालकांकडून देखिल योग्य असे सहकार्य मिळत असल्याचे मुख्याध्यापिका सिस्टर विनया यांनी सांगितले.