🛑 खड्डेमय रस्ता.. मनसेने विचारला जाब ; तालुका अध्यक्ष संतोष नलावडे आक्रमक ..आठ दिवसात खड्डे भरा अन्यथा..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : ओंकार रेळेकर

🎴चिपळूण, दि-०६ :- चिपळूण तालुक्यात ग्रामीण भागात अनेक ठिकाणी रस्ता गायब झाला आहे.सार्वजनिक बांधकाम विभागाच्या अधिकाऱ्यांच्या कृपेने तालुक्यात रस्ते कमी खड्डे जास्त अशी अवस्था झाली आहे.अशा परिस्थितीत चिपळूण तालुका महाराष्ट्र नवनिर्माण सेना सार्वजनिक बांधकाम विभागाच्या दुर्लक्षित कारभारविरोधात जबरदस्त ऍक्शन मोड मध्ये आली आहे.खड्डेमय रस्ता बाबत मनसेने जाब विचारत तालुका अध्यक्ष संतोष नलावडे यांनी आक्रमक भुमिका घेत येत्या आठ दिवसात खड्डे भरा अन्यथा गाठ आमच्याशी आहे असा सज्जड दम भरला आहे.

मनसे दणका,

चिपळूण तालुक्यातील खरवते, ओमळी, नारद खेरकी, ताम्हणमळा,गूळवणे व इतर गावांना जोडणारा मुख्य रस्ता गेली कित्येक वर्ष अत्यंत खड्डेमय, खराब अवस्थेत आहे. या रस्त्यावरून दुचाकी, चारचाकी, रिक्षा वाहतूक,माल वाहतूक, रुग्णाना दवाखान्यात नेणे खूप त्रास दायक होत आहे. या रस्त्याची नूतनीकरण साठी वेळोवेळी पाठपुरावा पक्षाच्या वतीने होत आहे. परंतू आत्ता पावसाळ्यात रस्त्यावर खड्डे पाण्याने भरलेली असतात, ही त्वरित आठ दिवसात भरली पाहिजेत. यासाठी सार्वजनिक बांधकाम विभाग कार्यालयात जाऊन तेथील अभियंता अधिकारी. नलावडे साहेब यांना निवेदन देण्यात आले त्यावर त्या अधिकारी यांनी आठ दिवसात सर्व खड्डे भरून व रस्त्या व्यवस्थित करतो.अशी ग्वाही त्यांनी दिली. नाही तर रस्त्यावर बसून आंदोलन, उपोषण मनसे कडून करण्यात येईल. त्याला होणाऱ्या परिणामास तुम्ही सर्व अधिकारी जबाबदार राहाल. असं निवेदन देऊन सांगण्यात आलं आहे.यावेळी मनसे तालुका अध्यक्ष श्री. संतोषजी नलावडे, उपतालुका अध्यक्ष श्री. अभिनव भुरण, म.न. वि.सेना तालुका अध्यक्ष श्री. अमोल अवेरे,म. न. वि. से. उप जिल्हा अध्यक्ष श्री. निलेश मोरे,कळंबट जि. प. विभाग अध्यक्ष श्री. प्रताप राव भोसले, दहिवली पंचायत समिती गण उप विभाग अध्यक्ष श्री. संजय रसाळ, नारद खेरकी शाखा अध्यक्ष.मिलींद देसाई, संतोष हातीस्कर, म. न. वि. सेना उपतालुका अध्यक्ष श्री.गुरुनाथ नागे, चिपळूण शहर कार्याध्यक्ष श्री.परेश साळवी, सर्व पदाधिकारी व कार्यकर्ते उपस्थित होते.