🛑 कोकण कला व शिक्षण विकास संस्थेच्या वतीने बांदा प्राथमिक आरोग्य केंद्रास देण्यात आले ऑक्सिजन कॉनसंट्रेटर..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी:शैलेश गवस

🎴बांदा, दि-०५ :- बांदा आरोग्य केंद्र हे महाराष्ट्र गोवा सीमेवरील ५०हुन अधिक गावांना आरोग्य सुविधा पुरवण्याचे काम करते आहे. तसेच हे केंद्र हायवे वर असल्यामुळे येथे अपघात झालेल्या पेशंट च्या केसेस पण बऱ्याच असतात. पण ऑक्सिजन ची कमतरता असल्यामुळे बऱ्याच रुग्णांना मोठ्या हॉस्पिटलमध्ये जेथे ही सुविधा उपलब्ध आहे तेथे हलवावे लागते, मोठे हॉस्पिटल लांब असल्यामुळे या प्रवासात रुग्णाचा जीव गमावण्याचे प्रमाण ही जास्तच आहे.

अशा परिस्थितीत कोरोना महामारीमुळे रुग्णांना सुविधा मिळणे कठीण झाल्याचे बांदा सरपंच अक्रम खान आणि वैद्यकीय अधिकारी डॉ. जगदीश पाटील यांनी दयानंद कुबल यांना सांगितले आणि मदतीसाठी विनंती केली होती.

आज कोकण कला व शिक्षण विकास संस्थेच्या माध्यमातून बांदा आरोग्य केंद्रास ऑक्सिजन कॉन्सट्रेटरचा एक युनिट सुयोग्य वापरासाठी हस्तांतरित करण्यात आला. सदर एका युनिट ची सरासरी किंमत ८००००/- च्या आसपास आहे.

आपल्या विभागातील गरजू लोकांच्या समस्या सोडवण्यासाठी माझा हातभार लागावा असे मला कायमच वाटते आणि मी कायमच पुढाकार घेण्याचा प्रयत्न करत राहीन असे दयानंद कुबल यावेळी बोलताना म्हणाले, स्थानिक वृत्तपत्रे माहिती मिळण्यास तसेच या कार्यात कायमच मदत करतात या बद्दल मी त्यांचा आभारी आहे. असे कुबल पुढे म्हणाले

कोकण संस्थेच्या माध्यमातून दयानंद कुबल हे सामाजिक कार्यात कायम अग्रेसर असतात आणि आमच्या विनंतीला मान्य करून ऑक्सिजन कॉन्सट्रेटर दिल्याबद्दल मी त्यांचा आभारी आहे,असे आरोग्य अधिकारी डॉ. पाटील म्हणाले.

या उपक्रमासाठी हेलपिंग हॅन्ड फाउंडेशनने सहकार्य केले.

या कार्यक्रमाला सरपंच अक्रम खान, उपसभापती शीतल राऊळ, आरोग्य अधिकारी डॉ.जगदीश पाटील, डॉ. मयुरेश पटवर्धन, तलाठी वर्षा नाडकर्णी डिंगणे गावचे उपसरपंच जयेश सावंत, निलेश मोरजकर, विराज परब, सागर कुबल, शैलेश गवस, आदी हे उपस्थित होते.