🛑 वेंगुर्ला तालुक्यातील कुशेवाडा ग्रामपंचायतला सन २०१७-१८ चा मानाचा “संत गाडगेबाबा ग्रामस्वच्छता अभियान” पुरस्कार प्रधान..

🛑 राज्यस्तरीय या स्पर्धेत तृतीय क्रमांक पटकावून कुशेवाडा ग्रामपंचायतने मिळविले रोख रक्कम पंधरा लाख रुपयाचे पारितोषिक; कुशेवाडा ग्रामपंचायतच्या शिरपेचात मानाचा तुरा..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : समीर चव्हाण

🎴वेंगुर्ले, दि-०१ :- महाराष्ट्र शासनाचा मानाचा समजला जाणारा संत गाडगेबाबा ग्रामस्वच्छता अभियान पुरस्कार सन २०१७-१८ चा वितरण सोहळा मुख्यमंत्री यांच्या प्रमुख उपस्थितीत संपन्न झाला.

सिधुंदुर्ग जिल्ह्य़ातील वेंगुर्ले तालुक्यातील कुशेवाडा ग्रामपंचायतीला मानाचा असा तृतीय क्रमांक रोख रूपये पंधरा लाख, प्रमाणपत्र, सन्मानचिन्ह या स्वरूपात प्राप्त झाला.

सदर सोहळ्याचे वितरण मुख्यमंत्री उद्धव ठाकरे व उपमुख्यमंत्री अजित पवार, संबंधित विभागाचे मंत्री व अधिकारी यांनी या पुरस्काराचे ऑनलाईन वितरण केले. या सोहळ्यास अतिरिक्त जिल्हाधिकारी साठे मॅडम, जिल्हा परिषद मुख्य कार्यकारी अधिकारी प्रजोत नायर, स्वच्छता उपमुख्य कार्यकारी अधिकारी विनायक ठाकुर, वेंगुर्ल सभापती अनुश्री कांबळी, गटविकास अधिकारी उमा पाटील, जिल्हा स्वच्छता अधिकारी मनीष पडते, कीनळेकर यांच्या उपस्थितीत हा पुरस्कार देण्यात आला. पुरस्कार वितरण सोहळ्यात ग्रामपंचायत कार्यकारीणी, कर्मचारी, उपस्थित ग्रामस्थांनी या पुरस्कारासाठी परीश्रम घेणारे तत्कालीन ग्रामसेवक कै. प्रसाद तुळसकर यांच्या प्रतिमेस अभिवादन करून पुरस्कार स्वीकारला.

सदर पुरस्काराच्या वितरणावेळी कुशेवाडा ग्रामपंचायतीचे सरपंच, उपसरपंच, सर्व सदस्य, ग्रामसेवक, ग्रामपंचायत कर्मचारी, पदाधिकारी व ग्रामस्थ उपस्थित होते.