🛑 पाचल मध्ये रिफायनरी समर्थनाचा ठराव एकमताने मंजूर..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : अद्वैत अभ्यंकर

🎴राजापूर,दि-०१:- २२ जून रोजी राजापूर नगर परिषद मध्ये बहुमताने रिफायनरी समर्थनाचा ठराव मंजूर झाला असताना पाठोपाठ राजापूर तालुक्यातील सर्वात मोठी ग्रामपंचायत पाचल मध्ये रिफायनरी समर्थनाचा ठराव एकमताने मंजूर झाला आहे.

तालुक्यासह संपूर्ण राज्याचे अर्थकारण बदलू शकणारा हा प्रकल्प असून तालुक्यातून सदर प्रकल्पाला खूप मोठया प्रमाणात पाठिंबा मिळताना दिसून येत आहे.

प्रारंभीच्या काळात या प्रकल्पाला शिवसेनेचा पर्यायाने शिवसैनिकांचा प्रचंड प्रमाणात विरोध होता. परंतू अलीकडच्या lockdown च्या कालावधीत खूपच प्रमाणात लोकांच्या नोकऱ्या गेल्याने बेरोजगारीचे प्रमाण प्रचंड वाढले. आणि हा प्रकल्प भरपूर प्रमाणात रोजगार उपलब्ध करणारा आहे हे लक्षात आल्यानंतर आता बरेच जण ज्यात शिवसेनेचे लोकही आपले विरोधाचे मत बदलून स्वयंस्फूर्तीने प्रकल्पाला समर्थन देत आहेत.

*सरपंच प्रतिक्रिया*

पाचल ग्रामपंचायतीच्या सरपंच अपेक्षा मासये यांनी या ठरावा बाबत, सदर प्रकल्प हा तालुकाच नव्हे तर राज्याचे अर्थकारण बदलून टाकणारा असून मोठ्या प्रमाणावर स्थानिक रोजगार देणारा आहे. शैक्षणिक, आरोग्य, रस्ते आणि पूरक व्यवसायांना चालना द्यावी अशा काही अटींना अधीन राहून या प्रकल्पाला मान्यता देत असल्याचे म्हटले आहे. एकमताने ठराव मंजूर केला यासाठी त्यांनी सर्व सदस्यांचे आभार मानले आहेत आणि अभिनंदन केले आहे.