🛑 कोरोनाच्या कहरात महागाईचा भडका..

June 30, 2021 Pratik Rane 0 Comments

🛑 जीवनावश्यक वस्तूंचे भाव वाढले..

🛑 गॅस,सिलिंडर,पेट्रोल,डिझेल भाव कडाडले..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : सुनील आचरेकर

🎴सिंधुदुर्ग, दि-३० :- गेल्या दीड वर्षापासून कोरोना महामारीने अवघ्या जगावर मोठी आपत्ती आली आहे. ही आपत्ती रोखण्यासाठी लोकडाऊन चा पर्याय स्वीकारण्यात आला. मात्र त्यामुळे अनेकांच्या नोकऱ्या गेल्या उद्योग धंदे व्यवसाय ठप्प झाले. त्यामुळे आधीच माणसे संकटात असताना दुसरीकडे वाढत्या महागाईने सर्वसामान्यांचे जगणे मुश्किल केले आहे. कोरोणाचा कर काही थांबलेला नाही.

मार्च महिन्यापासून कोरोनाची दुसरी लाट आली आणि जून महिन्यापर्यंत त्या लाटेचा कहर सुरूच आहे. त्याने आतापर्यंत हजारो लोकांचे बळी घेतले असून लाखो लोक बाधित झाले आहेत . एकीकडे या माहामारीने सर्वसामान्य जनता संकटात असताना दुसरीकडे महागाईचा आगडोंब उसळला असून यामध्ये जनता पुरती होरपळून गेली आहे. पेट्रोल, डिझेल, गॅस ,भाजीपाला आणि जीवनावश्यक वस्तूंचे भाव गगनाला भिडले आहेत. या आधीच लोकडाऊन मुळे नोकरे नाहीत आणि दुसरीकडे महागाई यामुळे सांगा कस जगायचं ?असा प्रश्न सर्वसामान्य माणसान समोर उभा ठाकला आहे .वाढत्या महागाईने सर्वसामान्यांचे खिसे रिकामी झाले आहेत .कोरोनाने अनेक कुटुंबे उध्वस्त केली आहेत .घराचे कमावते व्यक्ती या कोरोनाने बळी गेले आहेत. यामुळे कुटुंबातील यांच्यावर अवलंबून असणाऱ्या वर आभाळ कोसळले आहे. एकीकडे कोरोणाची भयानक स्थिती असताना दुसरीकडे महागाईने कहर केला आहे. पेट्रोल डिझेलचे दर वाढत आहेत. पेट्रोलने शंभरी पार केली आहे. तर डिझेल शंभरच्या उंबरठ्यावर आहे घरगुती गॅस सिलिंडरची हजाराकडे वाटचाल सुरू आहे याचा परिणाम जीवनावश्यक वस्तूंच्या दरावर झाला आहे. खाद्यतेलाचे तर दर प्रचंड प्रमाणात वाढले आहेत १०० ते १२० रुपये लिटर असलेले खाद्यतेल दीडशे ते दोनशे रुपये वर पोहोचले आहे. सर्वसामान्यांच्या आवाक्याबाहेर गेले आहेत खाद्यतेल कडधान्ये आणि तांदूळ महागल्याने सर्वसामान्यांच्या आहारातील साधा वरण भात महाग झाला आहे .जीवनावश्यक वस्तूंबरोबरच भाजीपाल्याचे भावही कडाडले आहेत. एकूणच महागाई आहे त्यामुळे बाजारात गेल्यानंतर सर्वसामान्यांचे किसे महागाईने रिकामे होत आहेत केंद्र आणि राज्य सरकार आपल्या कर्मचाऱ्यांचा दरवर्षी महागाई भत्ता वाढ देते .मात्र खाजगी क्षेत्रात नोकऱ्या करणाऱ्यांचे पगार वाढलेले नाहीत लोकडाऊन मध्ये खाजगी क्षेत्रात मोठा फटका बसला आहे यात अनेकांच्या नोकऱ्या गेल्या आहेत अशा स्थितीत कमी पगारात आणि नोकऱ्या नसलेनी या वाढत्या महागाईत घर चालवणे मुश्कील झाले आहे.

Leave a Reply