🛑 रावसाहेब दानवे यांची पत्रकारास दमदाटी पोलिसात तक्रार ; मराठी पत्रकार परिषद, व विरोधी कृती समितीतर्फे निषेध..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : प्रथमेश गावडे

🎴सावंतवाडी, दि-२९ :- जाफराबाद येथील पत्रकारावरील हल्लयाचा विषय ताजाच असताना केंद्रीय राज्यमंत्री रावसाहेब दानवे यांनी पुन्हा एकदा पत्रकाराची खोड काढली.. रावसाहेब दानवे यांची नुकतीच एक पत्रकार परिषद जालना येथे झाली.. पत्रकार परिषदेत पत्रकार अविनाश कव्हळे यांनी काही प्रश्न विचारले.. ते रावसाहेब दानवे यांच्यासाठी अडचणीचे होते.. त्यामुळे दानवे मनातून संतापले.. पण त्यांनी पत्रकार परिषदेत संयम दाखविला.. मात्र पत्रकार परिषद संपल्यावर त्यांनी अविनाश कव्हळे यांना जालना येथील विश्रामगृहातील आपल्या दालनात बोलावून घेतले..दरवाजा बंद करून तेथे त्यांनी अर्वाच्च शिविगाळ केली,जीवे मारण्याच्या, बघून घेईल अशा धमक्या दिल्या..तसेच आमिष दाखविण्याचा प्रयत्न केला.. या घटनेचा जालना येथील पत्रकारांनी काल तातडीची बैठक घेऊन निषेध केला.. अविनाश कव्हळे

यांनी या घटनेची तक़ार जालना तालुका पोलिसात दिली आहे.. अजून गुन्हा दाखल झालेला नाही..

पत्रकार परिषदेत आपल्याला सोयीचे ठरतील असेच प़श्न पत्रकारांनी विचारावेत अशी बहुतेक नेत्यांची अपेक्षा असते.. तसं घडलं नाही की ते संतापतात.. यातून असे प़कार घडतात.

अखिल भारतीय मराठी पत्रकार परिषद आणि पत्रकार हल्ला विरोधी कृती समिती या घटनेचा तीव़ शब्दात धिक्कार करीत असून केंद़ीय मंत्रयांनीच कायदा हातात घ्यावा हे शोभनीय नसल्याचे मत एस.एम.देशमुख यांनी व्यक्त केले आहे.. तक़ार अर्जाची दखल घेऊन पोलिसांनी तातडीने गुन्हा दाखल करावा अशी मागणी पत्रकार हल्ला विरोधी कृती समितीने केली आहे. याबाबतची माहिती मराठी पत्रकार परिषदेचे सिंधुदुर्ग जिल्हा प्रसिद्धी प्रमुख हरिश्‍चंद्र पवार यांनी दिली.

सिंधुदुर्गातूनही तीव्र निषेध या घटनेचा मराठी पत्रकार परिषदेचे अध्यक्ष गजानन नाईक विभागीय अध्यक्ष नंदकिशोर महाजन आणि आणि सिंधुदुर्ग जिल्हा पत्रकार संघाचे सचिव उमेश तोरस्कर यांनी तीव्र शब्दात निषेध केला आहे.