🛑 व्यापाऱ्यांना शासना कडून मदत मिळावी या संदर्भात सावंतवाडी तालुका व्यापारी उद्योजक संघातर्फे पालकमंत्री उदय सामंत आणि खासदार विनायक राऊत यांच्याकडे निवेदनाद्वारे मागणी..

🛑 वीज बिले व हॉटेल व्यवसाय संदर्भात पुढील आठवड्यात चर्चा करण्याचे पालकमंत्री उदय सामंत यांचे आश्वासन..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : प्रशांत मोरजकर

🎴सावंतवाडी,दि.२६ :- गेल्या दिड वर्षात दोन वेळा लाॅकडाऊन केल्यामुळे अत्यावश्यक सेवा वगळता व्यापार, व्यवसाय ठप्प झालेला आहे.त्यामुळे या व्यापारी चिंताग्रस्त बनले आहेत.त्यांना शासनाकडून मदत मिळावी, अशी मागणी सावंतवाडी तालुका व्यापारी उद्योजक संघातर्फे पालकमंत्री उदय सामंत आणि खासदार विनायक राऊत यांच्याकडे निवेदनाद्वारे केली असता आपण शक्य होईल तेवढे व्यापाऱ्यांसाठी करू तसेच वीज बिले व हॉटेल व्यवसाय संदर्भात पुढील आठवड्यात चर्चा करण्याचे आश्वासन पालकमंत्री सामंत यांनी दिले.

सिंधुदुर्ग जिल्ह्यात २१ जून पासून सकाळी ७ ते सायंकाळी ४ वाजेपर्यंत दुकाने उघडून व्यवसाय करण्यास शासनाने परवानगी दिली आहे. दुकाने उघडल्या उघडल्या व्यापारी बाधंवा समोर लाईट बिल, दुकान भाडे, बँकेचे कर्ज हप्ते, पाणीपट्टी व अन्य कर असे अनेक प्रश्न उभे टाकतात. व्यापारी, हॉटेल व्यवसायिक एवढे अडचणीत आहेत की व्यवसाय चालवायचा तर कसा असा प्रश्न देखील पालकमंत्र्यांना दिलेल्या निवेदनात व्यावसायिकांनी केला आहे . या मधून शासनाने मार्ग काढावा आणि जिल्ह्यातील व्यापाऱ्यांना सहानुभूती दाखवावी असे आव्हान देखील केले आहे.

जिल्ह्यातील व्यापारी बांधवांचे शिष्टमंडळ आणि मुख्यमंत्री उद्धव ठाकरे यांची व्हिडिओ कॉन्फरन्स वर बैठक करून द्यावी व्यापारी आपल्या व्यथा मुख्यमंत्र्यांसमोर ठेवतील, त्यात मुख्यमंत्री जो निर्णय घेतील तो व्यापारी बांधवांच्या हिताचे असेल असेही या निवेदनात म्हटले आहे.कोविड प्रतिबंधक लसीकरणात व्यापारांनी प्राधान्य द्यावे अशी मागणी करण्यात आली आहे.

यावेळी युवा नेते संदेश पारकर, तालुकाप्रमुख रूपेश राऊळ, या व्यापारी संघाचे अध्यक्ष जगदीश मांजरेकर, उपाध्यक्ष सुमंगल कालेकर ,अभय पंडित ,वल्लभ नेवगी ,पुंडलिक दळवी, संदेश परब, महेश कुमठेकर ,राजू भालेकर, डि के सावंत, उदय नाईक, संतोष कुलकर्णी, लाड परवेश सय्यद आदी उपस्थित होते