🛑 राजापूरात साजरा करण्यात आला आणिबाणी चा दिवस..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : अद्वैत अभ्यंकर

🎴राजापूर, दि-२६ :- कालच्या दिवशी संपूर्ण देशावर आणिबाणी लादली गेली होती व अनेक देशभक्ताना जबरदस्ती तुरुंगात डांबण्यात आले होते. त्यामुळे देशात लावण्यात आलेली आणिबाणी हा दिवस भारतीय जनता पार्टीच्या वतीने काळा दिवस म्हणून मानला जातो. त्यानिमित्ताने भारतीय जनता पार्टीच्या माध्यमातून त्यावेळी जबरदस्तीने तुरुंगात डांबण्यात आलेल्या देशभक्तांना भेटून त्यांची चौकशी करून त्यांचा यथोचित सन्मान केला जातो.

राजापूर मध्ये सदरचा कार्यक्रम गोपाळ रायकर यांच्या घरी करण्यात आला. कार्यक्रमाची सुरुवात भारतमातेच्या प्रतिमेचे पूजन करून करण्यात आली. तसेच त्यावेळी चे सत्याग्रही दामोदर गाडगीळ, गोपाळ कृष्ण रायकर, दत्तात्रय रानडे, अनिरुद्ध ठाकूर, प्रकाश आमकर व विष्णु रानडे यांचा मुलगा रवींद्र रानडे या सर्वांचा भाजप युवा मोर्चा राजापूर तालुका च्या वतीने आदरपूर्वक शाल, श्रीफळ व सन्मानपत्र देऊन सन्मान करण्यात आला. यावेळी दत्तात्रय रानडे व श्री.दामोदर गाडगीळ यांनी आपले मनोगत व्यक्त केले. संदेश टिळेकर यांनी विश्व हिंदू परिषदेच्या मार्फत आपले मनोगत व्यक्त केले. भाजप युवामोर्चा जिल्हा अध्यक्ष अनिकेत पटवर्धन यांनी सर्वांप्रती ऋण व्यक्त केले.

या कार्यक्रमाला भाजप युवा मोर्चा जिल्हा अध्यक्ष अनिकेत पटवर्धन, भाजप जिल्हा उपाध्यक्ष रवींद्र नागरेकर, सहकार जिल्हा संयोजक अनिलकुमार करगुटकर, भाजप नगरसेवक गोविंद चव्हाण, भाजप ग्रामपंचायत सदस्य अशोक गुरव, संदेश आंबेकर, आशिष मालवणकर, महिला तालुका अध्यक्ष सौ श्रुती ताम्हणकर, जिल्हा कार्यकारणी सदस्य सौ शितल पटेल, ओबीसी महिला जिल्हा कार्यकारिणी सदस्य सुधा चव्हाण, धडाडीचे कार्यकर्ते अरविंद लांजेकर, संदेश टिळेकर, भाजप शहर अध्यक्ष विवेक ( पिंट्या ) गुरव व अनुसूचित जाती जमाती मोर्चा महाराष्ट्र प्रदेश कार्यकारणी सदस्य मारुती कांबळे आदी पदाधिकारी उपस्थित होते.