🛑 बांद्यात फर्निचर शोरूमला लागली भीषण आग ; भीषण आगीत लाखोंचे नुकसान..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : शैलेश गवस

🎴बांदा, दि-२६ :- काल रात्री आठच्या सुमारास बांदा येथील भूषण शिरसाट व प्रवीण शिरसाट यांच्या घरा लगतच्या फर्निचर शोरूमला लागलेल्या भीषण आगीत लाखोंचे नुकसान झाले. बांद्यातील ग्रामस्थांनी या संकटात प्रसंगावधान दाखवत आग आटोक्यात आणण्यासाठी शर्थीचे प्रयत्न केले.अखेर कुडाळ एमआयडीसी येथील अग्निशमन दलाच्या साहाय्याने ही आग पुर्णपणे विझवण्यात यश आले.ही आग शॉर्ट सर्किटमुळे लागल्याचा प्राथमिक अंदाज व्यक्त होत आहे.यावेळी दुसऱ्या मजल्यावर असलेल्या दोन मुलांना सुभाष शिरोडकर यांनी धाडस दाखवत शिडीच्या सहाय्याने सुखरूप बाहेर काढल्याने मोठा अनर्थ टळला. आगीत झालेल्या नुकसानीचा पंचनामा करण्यात येणार असून नक्की किती लाखांचे नुकसान झाले आहे याचा आकडा समोर येईल.