🛑 नगराध्यक्षांकडून पालकमंत्र्याना राजा हरिश्चंद्राची उपमा अनोखी जुगलबंदी ; पालकमंत्र्यानी दिली सावंतवाडी नगरपालिकेला भेट..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : प्रथमेश गावडे

 🎴सावंतवाडी,दि-२५:- नगराध्यक्ष संंजू परब यांनी उच्च तंत्र शिक्षण मंत्री उदय सामंत यांना नगरपालिका भेटी दरम्यान राजा हरिश्चंद्राची उपमा देत निधीची मागणी केली खरी पण त्याला प्रत्यूतर देताना मंत्री सामंत यांनी मागण्या करणारेच आपल्या शब्दा वर ठाम राहिले तर त्यांनी केलेल्या मागण्या बोलल्या प्रमाणे करणार अशी ग्वाही दिली.तसेच राजकारणात खिलाडुवृत्तीने काम केले तरच विकास होतो असे ते म्हणाले.या अनोख्या जुगलबंदीने काहि काळ सभागृहात चांगलीच चर्चा रंगल्याचे दिसून आले.

पालकमंत्री उदय सामंत यांच्या हस्ते शुक्रवारी सावंतवाडीतील विविध विकास कामांची भुमिपूजने झाली त्यानंतर त्यांनी नगरपालिकेला भेट दिली त्याचे नगराध्यक्ष संंजू परब यांंनी त्यांचे स्वागत केले यावेळी आमदार दीपक केसरकर,युवा नेते संदेश पारकर,संजय पडते,रूपेश राउळ, मुख्याधिकारी जंयत जावडेकर,उपनगराध्यक्षा अन्नपूर्णा कोरगावकर, अनारोजीन लोबो,राजू बेग,आनंद नेवगी,नासिर शेख,बाबू कुडतरकर, समृध्दी विनोडकर,अजय गोदावले आदि उपस्थीत होते.

यावेळी मंत्री सामंत म्हणाले,आम्ही आमदार दीपक केसरकर यांचे राजकारण बघत मोठे झालो असून, विकास कामात राजकारण आणू नये हेच शिकवले आहे.आजही नगरपालिकेत येत असताना आमदार केसरकर यांनी कोणतीही आडकाठी न करता ते स्वतः माझ्यासोबत आले हेच खरे विकासांचे पाऊल आहे.असे सांगत नगरपालिकेने विकासासाठी जेवढा निधी मागितला आहे.तो तर देणारच त्या शिवाय नगरपालिकेची इमारत आता जुनी झाली असून,त्यांचा प्रस्ताव द्या त्यालाही निधी उपल्बध करून देतो सिंधुदुर्ग जिल्ह्यातील नगरपरिषदाना अग्निशमन वाहन देण्यात येणार आहे,असे ही सामंत यांनी सांगितले.

आमदार केसरकर म्हणाले,सावंतवाडी शहर हे माझे कुटूंब आहे.आणि ते विकासात मागे राहू नये त्यामुळेच संत गाडगेबाबा भाजी मंडई साठी लवकरच साडेबारा कोटि रूपयांच्या पहिल्या टप्याचा निधी देणार असे सांगितले.तसेच बाहेरचावाडा येथे अद्यावत मटण मार्केट होण्यासाठी मी स्वतः पुढाकार घेणार आहे.तुम्ही प्रस्ताव द्या असे सांगितले.तसेच इंदिर गांधी संकूलातील गाळ्याना नऊ वर्षा ऐवजी तीस वर्षांची मुदत देण्यासाठी ठराव करून द्या आम्ही निर्णय घेऊ असे ही स्पष्ट केले.

या शिवाय सावंंतवाडी नगरपालिकेला वेगवेगळ्या विकास कामासाठी निधी दिला जाईल सावंतवाडी शहर विकासात कुठे ही मागे राहणार नाही यांची जबाबदारी प्रत्येकाने घेऊ असे ही केसरकर यांंनी सांगितले.

नगराध्यक्ष संजू परब यांनी सावंतवाडी शहरातील विविध विकास कामासाठी निधीची मागणी केली आम्ही विकासात राजकारण करणार नाही असे सांगितले.विकास व राजकारण ही वेगळ्या गोष्टी आहेत.पण शहराच्या हितासाठी सर्वांनी एकत्र आले पाहिजे असे मत परब यांंनी व्यक्त केले.

तसेच सामंत यांना राजा हरिश्चंद्राची उपमा देत त्यांनी दिलेले वचन पाळले तसेच तुम्हीही अग्नीशामक केंद्र,पालिका इमारत आदिना निधी देऊन वचन पाळा असे आवाहन परब यांनी केले.