🛑 बांदा-संकेश्वर हा महामार्ग सावंतवाडीतील रिंगरोड वरुन जावा, त्यासाठी आवश्यक असलेला प्रस्ताव पालिकेने द्यावा ; आमदार दिपक केसरकर

*🎥 कोकण लाईव्ह ब्रेकिंग न्यूज*
_अचूक बातमी थेट हल्ला_

*✍️ प्रतिनिधी : प्रथमेश गावडे*

*🎴सावंतवाडी,दि-२५ :-* बांदा-संकेश्वर महामार्गाला बुर्डी पुलापर्यंत मंजूरी मिळाली आहे.त्याचे काम तीन टप्प्यात होणार आहे. हा महामार्ग सावंतवाडीतील रिंगरोड वरुन जावा,यासाठी सर्व जण आग्रही आहेत.त्यासाठी आवश्यक असलेला प्रस्ताव पालिकेने द्यावा,आपण व पालकमंत्री उदय सामंत मुख्यमंत्र्यांच्या माध्यमातून त्यासाठी नक्कीच पाठपुरावा करू,असे आश्वासन आमदार दिपक केसरकर यांनी आज येथे दिले.
येथील पालिकेकडुन व्यापार्‍यांचे पुर्नवसन करण्यासाठी देण्यात आलेल्या गाळ्यांचे भाडे कमी करण्यासाठी शासनाकडे प्रयत्न व्हावा,त्याच बरोबर नऊ ऐवजी तीस वर्षाचा करार करण्याबाबत पालिकेने सकारात्मक ठराव घेवून तसा निर्णय घ्यावा,असेही श्री.केसरकर यावेळी म्हणाले.

श्री.केसरकर आज येथे नगरपरीषदेच्या भूमिपूजन आयोजित कार्यक्रमात बोलत होते. गेली अनेक वर्षे सावंतवाडी शहराने मला भरभरुन दिले आहे.त्यामुळे या शहराच्या विकासासाठी राजकारण बाजूला ठेवून मी नक्कीच काम करणार आहे,असा शब्द त्यांनी दिला.बांदा-दोडामार्ग रस्ता कॉंक्रीटीकरण करण्याचे प्रयोजन आहे. तर सावंतवाडीत मटण मार्केटचा प्रश्न मार्गी लावावा,अशी मागणी त्यांनी पालकमंत्र्यांकडे केली.
येथील राजवाड्यात मंजूर झालेले म्युझियम काही तांत्रिक कारणामुळे रखडले आहे. त्यामुळे राजवाड्याच्या बाहेर शासकीय जागा त्यासाठी आरक्षित करून हा प्रश्न सोडवावा.आणि सावंतवाडीच्या कलेचे माहेरघर उभे राहण्यासाठी प्रयत्न केले जावेत,अशी मागणी त्यांनी पालकमंत्री उदय सामंत यांच्याकडे केली.