🛑 सोनवडे घाट मार्गाचे भवितव्य अंधातरी..

🛑 जुन्या आराखड्यावर रेखाचित्र शाखेचा आक्षेप ; नवा आराखडा तयार होणार..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : गणेश तोडकर

🎴कुडाळ,दि-२४ :- सिंधुदुर्ग जिल्ह्यातील कुडाळ ते कोल्हापूरला जोडणाऱ्या बहुचर्चित सोनवडे घाट मार्गातील अडथळे सध्यातरी कमी होताना दिसत नाही. १९८५ साली घाट रस्त्याचा जो साडे आठ किलोमीटरचा आराखडा बनवण्यात आला त्या आराखड्यालाच सार्वजनिक बांधकामच्या रेखाचित्र शाखेने आक्षेप नोंदविले आहेत. त्यामुळे सोनवडे घाट रस्त्याचे स्वप्न सध्या तरी अधांतरी आहे. दरम्यान रस्ता आराखडा बदलला गेला तर पुन्हा वनविभागाकडे प्रस्ताव सादर करावा लागणार आहे.

सार्वजनिक बांधकाम विभागाच्या आराखड्यात घाट रस्त्यात दाखवण्यात आलेले उंचवटे अधिक असल्याने या मार्गावरून अवजड वाहाने धावू शकणार नसल्याचे म्हटले आहे.त्यामूळे आता नव्याने आराखडा तयार करण्यात येणार असून,त्यानंतर पुन्हा केंद्रिय वन व पर्यावरण मंत्रालयाची परवानगी घ्यावी लागणार आहे.त्यामुळे या घाट मार्गाचा पुन्हा एकदा नव्याने प्रवास होणार असल्याने घाट मार्गांचे भवितव्य संध्यातरी अंधातरीच दिसत आहे.

सिंधुदुर्ग कोल्हापूरला जोडणारा इतर घाट मार्गापेक्षा जवळचा मार्ग म्हणजे सोनवडे घाट मार्गाकडे बघितले जाते हा घाट मार्ग व्हावा यासाठी गेली अनेक वर्षे सिंधुदुर्ग व कोल्हापूर मधील राजकीय नेते सामाजिक कार्यकर्ते तसेच नागरिक प्रयत्न करत आहेत.तत्कालीन बांधकाम मंत्री चंद्रकांत पाटील यांनी जलद पाठपुरावा करून आपल्या काळात या घाट मार्गाच्या कामाला गती दिली होती.फक्त कामाची अंतिम निर्विदा प्रकिया करणेच बाकी होते.त्यासाठी या मार्गाचा आराखडा बांधकाम विभागाने रेखाचित्र शाखेकडे अंतिम मंजूरीसाठी पाठवला होता. पण तेथेच या आराखड्यावरच अनेक आक्षेप घेण्यात आले.

या घाट मार्गाचा आराखडा हा १९८५ च्या जवळपास बनविण्यात आला होता त्यात या आराखड्यात साडेआठ किलोमीटरचा घाट मार्ग आहे.पण हा  आराखड बनवत असताना या मार्गावरून अवजड वाहाने जातील याचा विचार न करता छोटी छोटी वाहाने  ये जा करतील असा हा आराखडा असल्याचे रेखाचित्र विभागाने नमूद केले तसेच हा आराखडा  चुकीचा असून,जर या रस्त्यावर एक हजार कोटि पेक्षा अधिकची रक्कम खर्च होणार असेल तर या पैशाचा परतवा सरकारला कशातून मिळणार असे अनेक सवाल बांधकाम विभागच्या तंज्ञाच्या बैठकीत अधिकाऱ्यांनी उपस्थीत केले.

तसेच या आराखड्यात घाट मार्गात अधिकचे उंचवटे आहेत.तसेच सरळ रस्ता ही दिसत नसून,भारतीय रस्ता विभागाने अशा आराखड्याना मान्यता न देण्याची सुचना केली असून,त्याच्या नियमाप्रमाणे मान्यता देण्यात येणार नाही.त्यामुळे हा आराखडा पूर्णता नव्याने करून छोट्या वाहाने तसेच अवजड वाहानाचा विचार करून हा आराखडा तयार करावा असे रेखाचित्र शाखेने म्हटले आहे.

या शाखेच्या अभिप्राय नंतर एक उच्य स्तरीय बैठक मुंबई येथे पार पडली.या बैठकीला सध्याचे सार्वजनिक बांधकाम मंत्री अशोक चव्हाण यांच्यासह सर्व सचिव उपस्थीत होते. यात मंत्री चव्हाण यांनी सदर घाट मार्गांची पाहाणी  तज्ञ समितीने करावी असे सुचविले असून,त्यानंतर त्याचा नव्याने आराखडा बनवण्यात यावा अशा सुुचना केल्या आहेत.त्यामुळे आता ही उच्च स्तरीय समिती लवकरच या घाट मार्गाची पाहाणी करून नंतर आराखडा तयार करणार आहे.

तसेच हा आराखडा तयार झाल्यानंतर पुन्हा एकदा केंद्रिय वन व पर्यावरण मंत्रालयाची ही परवानगी घ्यावी लागणार आहे.त्यामुळे शासनांची आणखी डोकेदुखी वाढणार आहे.सोनवडे घाट मार्गाचा पुन्हा एकदा नव्याने होणारा प्रवास बघता सध्यातरी घाट मार्गांचे भवितव्य अंधातरी असल्याचेच यातून दिसत आहे.

तज्ञ समिती आल्यानंतर नवीन आराखडा तयार होणार : श्रीकांत माने

बांधकाम मंत्री अशोक चव्हाण तसेच उच्च स्तरीय सचिव यांच्या बैठकीत सध्या बनवण्यात आलेला आराखडा हा छोेट्या वाहाना पुरता मर्यार्दित असून,अवजड वाहाने या रस्त्यावरून ये जा करण्यासाठी आराखड्यात बदल अपेक्षित असल्याचे सांगण्यात आले त्या प्रमाणे हा आराखडा तयार करण्यात येईल असे सावंतवाडी बांधकाम विभागाचे कार्यंकारी अभियता श्रीकांत माने यांनी सांगितले.

उपवनसंरक्षक शहाजी नरनावर म्हणाले, या रस्त्यावर वनजमीन जाणार आहे त्यासाठी १७ एकर पर्यायी जमीन सरकारने दिली आहे. जर बांधकाम खात्याच्या अधिकाऱ्यांनी रस्ता मार्ग रेखाचित्र वेगळे दिले आणि सध्या मंजुरी मिळाली त्यात बदल असेल तर पुन्हा प्रस्ताव अपेक्षित आहे.