🛑 आशा सेविकांचे काम म्हणजे जनतेच्या आरोग्याचा पाया ; मनसे उप तालुका अध्यक्ष संदिप गवस

🛑 शासनाने लवकरचं त्यांच्या मागण्या पूर्ण कराव्या..

🛑 मनसे आशा सेविकांच्या कामाचे कौतुकच करते..

✍️ प्रतिनिधी : प्रतिक राणे

🎴दोडामार्ग, दि-१९ :- कोरोनाच्या काळात आपली व आपल्या परीवाराची काळजी न करता प्रामाणिकपणे काम करणाऱ्या आशा सेविकांच्या शासनाने मागण्या लवकरच पूर्ण कराव्यात. आशा सेविकांच काम म्हणजे जनतेच्या आरोग्याचा पायाच म्हणावा लागेल. कारण सर्व गावातील लोकांच्या आरोग्याविषयीच्या समस्या घरोघरी जावून त्यांची योग्य विचारपूस या करत असतात. प्रत्यकाची काळजीपूर्वक दखल घेऊन त्याची माहिती आरोग्य खात्याशी कळविली जाते.

आपण घर बांधताना जसा घराचा पाया मजबुत बांधणे गरजेचे असते त्याचप्रमाणे गावातील प्रत्येक घरातील व्यक्तीची आरोग्यविषयक माहिती व उपचार करणे गरजेचे असते. तरच गावातील सर्वजण व्यवस्थित जीवन जगू शकतील. काम करत असताना कोरोनाच्या काळात या आशांना गावातील काही व्यक्तिकडून अपमानास्पद सुध्दा वागणूक मिळते हे योग्य नाही. आपल्या आरोग्याविषयी सर्वांनी काळजी घेणे गरजेचे आहे. शासनाने लवकरच त्यांच्या मागण्या पूर्ण कराव्या अशी मागणी महाराष्ट्र नवनिर्माण सेनेचे दोडामार्ग उपतालुका अध्यक्ष संदिप गवस यांनी प्रसिद्धी पत्रकाद्वारे केली.